Duonplumba buteo
La Duonplumba buteo (Leucopternis semiplumbeus) estas specio de rabobirdo de la familio de Akcipitredoj kaj genro de Leucopternis kiuj estas ĝenerale blankaj aŭ blankecaj buteagloj foje kun grizaj partoj.
 | ||||||||||||||
|---|---|---|---|---|---|---|---|---|---|---|---|---|---|---|
 Duonplumba buteo
| ||||||||||||||
| Biologia klasado | ||||||||||||||
| ||||||||||||||
| Leucopternis semiplumbeus (Lawrence, 1861) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Ĝi troviĝas en Kolombio, Kostariko, Ekvadoro, Honduro, kaj Panamo. Ties natura habitato estas subtropikaj aŭ tropikaj humidaj arbaroj de malaltaj teroj.
La Duonplumba buteo estas malgranda birdo, averaĝe ĉirkaŭ 12-13 colon longa[1] (proksimume la grando de turfalko aŭ kolombofalko). La Duonplumba buteo estas facile identigebla pro sia rimarkinda oranĝa vaksaĵo kaj nigreca masko[2]. Ankaŭ la kruroj estas oranĝecaj, dum la irisoj estas flavaj. Ĝenerale la supraj partoj estas plumbogrizaj (de kio la komuna nomo kaj la latina scienca nomo) kaj la subaj partoj estas tre purblankaj sen strieco.
Rare vidata dumfluge, tiuj akcipitredoj tipe ripozas silente sur alta branĉo, atende predon [3]. La Duonplumba buteo ofte sekvas arojn de armeformikojn por kapti fortimigitajn birdojn, [4] kiuj, kun aliaj malgrandaj kantobirdoj, formas grandan parton de ties dieto. La ĝenerala populacio de Duonplumba buteo estas malgranda – ĉirkaŭkalkulata je 1,000 al 10,000 maturaj birdoj – kaj malpliiĝanta[5].
Referencoj redakti
- BirdLife International 2004. Leucopternis semiplumbeus Arkivigite je 2007-09-30 per la retarkivo Wayback Machine. 2006 IUCN Ruĝa Listo de Minacataj Specioj. Konsultita la 24an de julio 2007.
Notoj redakti
- ↑ Henderson, Carrol L. "Birds of Costa Rica." University of Texas Press, 2002 and 2010. pg 71
- ↑ Henderson, Carrol L. "Birds of Costa Rica." University of Texas Press, 2002 and 2010. pg 71
- ↑ Henderson, Carrol L. "Birds of Costa Rica." University of Texas Press, 2002 and 2010. pg 71
- ↑ Henderson, Carrol L. "Birds of Costa Rica." University of Texas Press, 2002 and 2010. pg 71
- ↑ BirdLife International 2009. [1] Arkivigite je 2012-10-15 per la retarkivo Wayback Machine.
