Fasa

Fasa (perse فَسا) estas universitata urbego kaj ĉefurbo de la samnoma distrikto en Provinco Farso, en Irano.

Fasa · فَسا
urbo de Irano urbego vd
Administrado
Lando	Irano
Provinco	Farso
Telefonkodo	0731
Demografio
Loĝantaro	110 825  (2016) [+]
Geografio
Geografia situo	28° 56′ N, 53° 39′ O (mapo)28.93833333333353.648333333333 [+]
Horzono	UTC+03:30
Fasa · فَسا (Irano) DEC Situo de Fasa · فَسا
Alia projekto
Vikimedia Komunejo Fasa [+]

Kampuso en Fasa

Bazaj informoj

• Supermara alteco: 1365 m
• Loĝantaro: 110,825 en 2016
• Horzono: UTC + 3:30; somere UTC + 4:30
• Telefonkodo: (+98) 731

Geografio

Fasa situas sur altebenaĵo 50 kilometrojn de la alia distrikta ĉefurbo Ĝahrom, 131 kilometrojn de la propra provinca ĉefurbo Ŝirazo, 323 kilometrojn de marhaveno Bandar Abaso, 431 kilometrojn de la alia provinca ĉefurbo Esfahano, 778 kilometrojn de la ĉefurbo Teherano [1].

Historio

La urbo aperis jam en popularaj rakontoj, legendoj. Fasa islamiĝis en 644, post jarcentoj Fasa estis preskaŭ tiel granda, kiel Ŝirazo pro la komercado. En 990 kaj 1050 turkoj prirabis la urbon. En la postaj kronikoj Fasa estas apenaŭ menciita. En la 19-a jarcento Fasa estis "plaĉa vilaĝo". La urba municipo formiĝis en 1925.

Ekonomio

Fasa estas granda regiona agrikultura centro, kies ĉefaj produktoj estas cerealoj kaj kotonoj. Fasa estas konata kiel tritikourbo. La urbego ankaŭ havas plurajn uzinojn pri nutraĵoj kaj kelkajn uzinojn pri tapiŝoj kaj kotonaĵoj. En Fasa pluraj universitatoj funkcias.

Lernejo en Fasa

Moskeo en Fasa

Trafiko

Al Fasa kuras 3 ĉefvojoj el Ŝirazo, Ĝahrom kaj Bandar Abaso. Apud la urbego flughaveno troviĝas.

Klimato

Fasa situas en Duonarida klimato laŭ klimata klasifiko de Köppen (BSh). Precipitaĵo en la jaro estas po 300 mm. Somere ne pluvas. La jara averaĝa temperaturo estas 18,5 °C.

Vidindaĵoj

• moskeoj
• sur la supro de unu el la proksimaj montetoj estas fortikaĵo konstruita dum la Sasanidoj

Fontoj

• interalie WikiTrans