Limpach BE

- La mallongigo BE en Limpach BE staras por la svisa Kantono Berno. Por aliaj signifoj de la nomo vidu sub Limpach..

---

Limpach (prononcu limpaĥ) estis ĝis la 31-a de decembro 2009 komunumo de la distrikto Fraubrunnen kaj ek de la 1-a de januaro 2010 komunumo de la administra distrikto Berno-Mezlando en Kantono Berno, Svislando. Ĝi havis 329 loĝantojn je la 31-a de decembro 2009.

Limpach
Blazono de Limpach
Blazono de Limpach
Limpach
Limpach kun preĝejo
vilaĝo • former municipality of Switzerland
Kantono	Berno
Administra distrikto	Berno-Mezlando
Malnova distrikto ĝis 2009	Fraubrunnen
Koordinatoj	47° 6′ 31″ N 7° 29′ 38″ O (mapo)
Nombro de loĝantoj	329
Areo	4,45 km²
Alteco	473 m super marnivelo
Poŝtkodo	3317
Komunumkodo	0542
Mapo de Limpach
Mapo de Limpach

Geografio

Limpas situas ĉe la suda flanko de la Valo de Limpach, norde de la altebenaĵo de Rapperswil, proksimume 14 kilometrojn norde de la federacia urbo Berno kaj 12 kilometrojn sudokcidente de Soloturno. La nordan limon de la komunumo formas la rivereto Limpach, kiu samtempe estas la kantona limo inter Berno kaj Soloturno. La komunumo konsistas el la vilaĝo Limpach kaj la setlejoj Feld, Moosgass kaj Voriholz, kaj diversaj izolitaj bienoj. La teritorio de la komunumo etendiĝas sur areo de 4,45 km², de kiuj 21,8% estas kovritaj de arbaro, 70,3% servas por agrikulturo kaj 7,4% por setlado.

Najbaraj komunumoj

La komunumo Limpach limas en nordo al Buchegg (SO), en nordoriento al Bätterkinden, en oriento al Schalunen, en sudo al Büren zum Hof, en okcidento al Mülchi, kaj en nordokcidento al Unterramsern.

Trafiko

Tra la komunumo pasas de oriento al okcidento la kantona ĉefvojo n-ro 251 de Bätterkinden tra Messen al Rapperswil, kiu en la vilaĝocentro kruciĝas kun flanka vojo de Fraubrunnen al Aetigkofen. Per poŝtaŭtolinio de Bätterkinden al Messen la komunumo estas konektita al la publika transportreto.

Historio

La unua dokumenta mencio de Limpach datiĝas el la jaro 1276 jam en ĝia aktuala formo Limpach. Dum mezepoko Limpach apartenis al la Monaĥejo Fraubrunnen. Post la reformacio ĝi estis integrita al la berna Voktejo Fraubrunnen. La alta jurisdikcio apartenis al la Grafoj de Kiburgo kaj transiris en la jaro 1406 al Berno. Tribunalejo estis la kampara tribunalo de Zollikofen. En la jaro 1803 Limpach estis atribuita al la distrikto Fraubrunnen, kaj ek de la 1-a de januaro 2010 ĝi apartenas al la administra distrikto Berno-Mezlando.

Vidu ankaŭ

• Aliaj signifoj de Limpach

Eksteraj ligiloj

• Oficiala retejo de la komunumo Limpach
• Limpach BE en la Historia Leksikono de Svislando  (germane, france, itale)

•  Vidu ankaŭ en la Vikimedia Komunejo la kategorion Limpach BE – (Kolekto de bildoj kaj plurmediaj dosieroj)

Bildoj

• 
  Reformita preĝejo de Limpach
• 
  La preĝejo interne, orgeno
• 
  Faktrabdomo en Limpach
• 
  Ligna domo en Limpach
• 
  La vilaĝa centro