Fondaĵo Grabowski

Fondaĵo Grabowski subtenas la Esperanto-kulturon per premioj kaj subvencioj, precipe por originala kaj tradukita beletro, kaj per kuraĝigo al junaj verkistoj. Kiu kontribuas per minimume 50 USD, rajtas eniri la Konsilion kaj fari proponojn al la juĝkomisiono. La fondaĵon administras UEA konforme al decidoj de la komisiono. La juĝkomisiono konsistas el Prof. Jesper Lykke Jacobsen (prezidanto), S-ro István Ertl (sekretario) kaj S-ino Mariana Petrova Evlogieva.

Fondaĵo Grabowski
Esperanto-fondaĵo
Komenco	1982 vd
Jura formo	fondaĵo

Fondaĵo Grabowski portas la nomon de Antoni Grabowski. Ĝia fondiĝo estis anoncita en la 67-a Universala Kongreso en Antverpeno, en 1982. La fondaĵo estis establita danke al la donaco de Pablo Goralski Pawlikovski (Kanariaj Insuloj) en la sumo de 13 750 usonaj dolaroj.

En la unua juĝkomisiono membris Baldur Ragnarsson, Juan Régulo Pérez kaj Spomenka Štimec. La unuan plej grandan premion gajnis Marjorie Boulton en 1984. Aliaj gajnintoj troveblas ĉe Premio Grabowski.

Vidu ankaŭ

• fondaĵo

Eksteraj ligiloj

• Fondaĵoj de Universala Esperanto-Asocio Arkivigite je 2013-06-14 per la retarkivo Wayback Machine
• Fondaĵo Grabowski ĉe UEA
• Danko Arkivigite je 2015-11-04 per la retarkivo Wayback Machine de Andreas Künzli pro aljuĝo de la premio de Fondaĵo Grabowski