Malfermi la ĉefan menuon
Vikipedio:Kiel legi la taksonomionKiel legi la taksonomion
Griza mevo
Sturmmöwe - Auenlandschaft Hohenrode HA 222 Landkreis Schaumburg.jpg
Biologia klasado
Regno: Animaloj Animalia
Filumo: Ĥorduloj Chordata
Klaso: Birda klaso Aves
Ordo: Ĥaradrioformaj Charadriiformes
Familio: Laredoj Laridae
Genro: Larus Larus
Specio: Griza mevo Larus canus
Carolus Linnaeus 1758
Aliaj Vikimediaj projektoj
Information icon.svg
vdr

La Griza mevo, Larus canus estas mezgranda mevo, tio estas birdo de la familio de Laredoj kaj ordo de karadrioformaj.

Disvastiĝo kaj subspeciojRedakti

Ĝi reproduktiĝas en nordoriento de Norda Ameriko, kaj nordaj Eŭropo kaj Azio. Estas birdo kiu migras suden vintre, ekzemple en Eŭropo ĝis la Mediteraneo, el Siberio ĝis suda Ĉinio kaj el Kanado ĝis Kalifornio.

La Griza mevo kunhavas tri loĝantarojn, foje konsiderataj apartaj specioj: Larus canus canus, la Griza mevo, de okcidenta Eŭrazio; L. c. kamschatschensis, la Griza mevo de Kamĉatko, de orienta Eŭrazio; kaj L. c. brachyrhynchus, la "Mallongbeka mevo", kiu reproduktiĝas en Alasko kaj okcidenta Kanado. La eŭropa raso foje venas kiel vizitanta al orienta marbordo de Kanado kaj kiel rara vagulo al nordorienta Usono.

AspektoRedakti

Ĝi estas 38 ĝis 44 cm longa kaj havas enverguron de 106 ĝis 125 cm kaj pezon de 300 ĝis 500 g; ĝi estas konsiderinde pli eta ol la Arĝentmevo. Ĝi estas nur iom pli eta ol la Ringobeka mevoDelavara mevo kaj tre simila, sed ties beko estas pli mallonga, mallarĝa kaj kun pli verdeca nuanco de flavo, krom la malmarko dum reprodukta sezono.

Plenkreskuloj de Griza mevo estas helgrizaj supre kaj blankaj sube. La kruroj estas verdecaj. Ili havas nigrajn pintoflugilojn kun larĝaj blankaj "speguloj", ĉefe ĉe amerikaj birdoj. Junuloj have skvamajn nigrobrunajn suprajn partojn, nigrecan bekon, malhelajn krurojn, nigran vostan strion kaj simplan flugilbildon. Ili atingas plenkreskulecon post tri jaroj. Vintre eĉ plenkreskuloj havas grizajn strion ĉe la nuko.

ReproduktiĝoRedakti

La Griza mevo reproduktiĝas kolonie (laŭ grandaj aroj) apud akvo aŭ marĉoj. Ili konstruas kovritan neston surgrunde aŭ sur arbo, ankaŭ sur konstruaĵoj aŭ fostoj. La ino demetas 3 ovojn. Ambaŭ gepatroj kovas laŭvice dum malpli ol unu monato. Post eloviĝo ankaŭ ambaŭ gepatroj manĝigas la idojn, sed ĉefe la ino.

KutimojRedakti

La voĉo estas akra rideca krio.

Kiel plej granda parto de la mevoj de la genro Larus, tiuj estas ĉiomanĝantaj kaj povas ĉu manĝi kadavraĵojn ĉu ĉasi etajn predojn ĉu kleptoparaziti. Ĝi estas oportunema birdo, do, ili povas serĉi en urbaj rubejoj aŭ sekvi terkulturajn veturilojn en kamparaj internaj regionoj por preni vermojn aŭ etajn senvertebrulojn kiujn la veturiloj montras.

Ili vivas ĝis 24 jarojn.

ReferencojRedakti

Eksteraj ligilojRedakti