Hauteville FR

- La mallongigo FR en Hauteville FR staras por la svisa Kantono Friburgo. Por aliaj signifoj de la nomo vidu sub Hauteville.

---

Hauteville estas urbo kaj komunumo en la distrikto Grejerco en Kantono Friburgo, Svislando. Ĝi havis 562 loĝantojn je la 31-a de decembro 2010.

Hauteville
Blazono de Hauteville
Blazono de Hauteville
Hauteville
Hauteville
komunumo en Svislando
Kantono	Friburgo
Distrikto	Grejerco
Koordinatoj	46° 40′ 11″ N 7° 6′ 36″ O (mapo)
Nombro de loĝantoj	562
Areo	10,52 km²
Alteco	717 m super marnivelo
Poŝtkodo	1648
Komunumkodo	2137
Mapo de Hauteville
Mapo de Hauteville

Geografio

Hauteville situas en la Friburga Mezlando ĉe la orienta bordo de la Lago de Grejerco, proksimume 13 kilometrojn sude de la kantonĉefurbo Friburgo kaj 7 kilometrojn nordoriente de la urbo Bulle. En sudoriento al komunuma teritorio etendiĝas al la Antaŭalpoj. La komunumo konsistas el la vilaĝo Hauteville kaj la setlejoj Longemort, Les Larrets, Impart, Les Fourches kaj diversaj izolitaj bienoj.

La teritorio de la komunumo etendiĝas sur areo de 10,52 km², de kiuj 43,6% estas kovritaj de arbaro, 50,9% servas por agrikulturo kaj 4,7% por setlado.

Najbaraj komunumoj

La komunumo Hauteville limas en nordo al La Roche, en oriento al Cerniat, en sudo al Corbières, en okcidento aliflanke de la Lago de Grejerco al Pont-en-Ogoz, kaj en nordnordokcidento al Pont-la-Ville.

Trafiko

Tra la komunumo pasas la kantona ĉefvojo n-ro 180 de Friburgo al Jaun. La plej proksima alveturejo al la svisa aŭtovojo A12 situas 8 kilometrojn okcidentsudokcidente de la komunumo norde de Bulle. Per du buslinioj de la entrepreno Transporto Publika Friburga la komunumo estas konektita al la publika transportreto.

Historio

La unua dokumenta mencio de Hauteville datiĝas el la jaro 1148 kiel Alta Villa (apud Altam villam). Hauteville apartenis dum mezepoko al la Senjorujo Corbières, kiu en la jaro 1553 fariĝis friburga havaĵo kaj voktejo. En la jaro 1784 Hauteville ricevis propran tribunalon. Okaze de la Helveta Revolucio de la jaro 1798 la voktejo Corbières fariĝis distrikto, kiu en la jaro 1848 surbaze de la nova kantona konstitucio estis integrita al la distrikto Grejerco. Post la konstruo de la Lago de Grejerco parto de la komunuma teritorio estis inundita de la baraĵlago.

Vidu ankaŭ

• Aliaj lokoj kun la nomo Hauteville

Eksteraj ligiloj

• Oficiala retejo de la komunumo Hauteville

•  Vidu ankaŭ en la Vikimedia Komunejo la kategorion Hauteville – (Kolekto de bildoj kaj plurmediaj dosieroj)