Malfermi la ĉefan menuon

Ivančena (925 m super marnivelo) estas ŝtona memoraĵo en Beskidoj inter Malchor kaj Kykulka sub la supro de la Kalva Monto. Ĝi estis konstruita por memorfesti la kvin skoltojn, kiuj estis ekzekutitaj fare de germanaj nazioj pro sia implikiĝo en la kontraŭ-nazia rezisto.

La tumulon fondis la 30-a Skolta sekcio de Moravia Ostrava nome la 6-an de oktobro 1946 por memorfesti la kvin membrojn de la "Rezisto de Silezia Skolt-organizo", kiuj estis ekzekutitaj la 24-an de aprilo 1945 en Teŝino en la juda tombejo.

La tumulo estas nun simbolo de patriotismo, kuraĝo kaj amikeco. Ĝi okupas ĉirkaŭ 40 kvadratajn metrojn kaj 195 kubajn metrojn. Ĝi etendiĝas al alteco de 4 m. Ĝis 1989, la tumulo estis ankaŭ simbolo de rezisto kontraŭ subpremo dum la komunismo. Dum la tempo de la komunismo faris marŝojn al ĝi skoltoj dum la skoltado estis kontraŭleĝa tiutempe kaj venadis ankaŭ trampoj. La marŝoj estis kontrolataj de la tiama komunisma sekreta polico.

Pilgrimadoj al la tumulo daŭras ĝis hodiaŭ. Sabate, proksime al la 24-a aprilo tien iras skoltoj de la tuta lando Ĉeĥio kaj dimanĉe trampoj. La tumulo estas ankoraŭ kreskanta kaj estas formita de ŝtonoj devenantaj de ĉirkaŭ la mondo. Lastatempe, tamen, la tumulo de ŝtonoj malintegras kaj falas. Skoltoj do anoncis kolekton por ties reakiro.

FotaroRedakti