Jan Fabricius
Jan FABRICIUS (Assen, 30-an de septembro 1871 - Wimborne (Anglio), 23-an de novembro 1964) estis nederlanda teatroverkisto.
| Jan Fabricius | |||||
|---|---|---|---|---|---|
 Jan Fabricius fotita de Jacob Merkelbach)
| |||||
| Persona informo | |||||
| Naskiĝo | 30-an de septembro 1871 en Assen | ||||
| Morto | 23-an de novembro 1964 (93-jaraĝa) en Wimborne Minster | ||||
| Lingvoj | nederlanda vd | ||||
| Ŝtataneco | Reĝlando de Nederlando  vd
| ||||
| Familio | |||||
| Patro | Johan Fabricius I (en)  vd
| ||||
| Edz(in)o | Minke Dornseiffen (en) vd
| ||||
| Infanoj | Johan Fabricius vd
| ||||
| Profesio | |||||
| Okupo | dramaturgo scenaristo verkisto ĵurnalisto vd
| ||||
| Aktiva en | Batavia • Harlemo • Hago vd | ||||
| |||||
| vd | Fonto: Vikidatumoj | ||||
Je dudekjara aĝo li foriris al Nederlanda Hindio por tie labori kiel presisto. Li rapide atingis bonan pozicion en ĵurnalismo. Post dek jaroj li revenis, devigata pro hepato-afekcio, al Nederlando por fariĝi ĉefredaktoro de respektive la gazetoj Wereldkroniek, la Spaarnebode kaj la Nieuwe Courant. Pro insisto de Frits Bouwmeester (junaĝe mortinta frato de la aktoro Louis Bouwmeester) li verkis la unuajn teatraĵojn: Met de handschoen getrouwd, Eenzaam kaj De rechte lijn, en kiuj Hindio ludas gravan rolon.
La teatraĵoj estis tre multfoje surscenigataj, sed Fabricius revenis en 1910 al Batavio por tie establi propran taggazeton. Denove pro sanproblemoj li revenis al Eŭropo, ekloĝis en Parizo kaj klopodis definitive vivi el verkado. Rimarkinde estas ke ĝuste tie li verkis la plejmulton de la nederlandaj teatraĵoj Onder één dak (en la drenta dialekto) kaj Ynske (en varianto de la frisa lingvo).
Pro la eksplodo de la Unua Mondmilito li revenis al Nederlando. En tiuj jaroj li travivis la plej grandajn sukcesojn. La surscenigoj de Dolle Hans, Totok en Indo kaj Nonnie altiris multajn homojn. Dum la Granda Depresio kaj la eksplodo de la Dua Mondmilito la kariero de Fabricius baldaŭ finiĝis. Li restis produktema, sed la sukceso iom post iom malaperis.
Fabricius transloĝiĝis al Anglio, kie li finfine mortis je aĝo de 93-jaroj.
Ankaŭ lia filo Johan Fabricius estis verkisto.