Juan Genovés
Juan GENOVÉS Candel (Valencio; 31a de majo 1930-Madrido; 15a de majo 2020)[1] estis hispana pentristo kaj grafika artisto.
| Juan Genovés | |
|---|---|
| |
| Persona informo | |
| Naskonomo | Juan Genovés Candel |
| Aliaj nomoj | Genoves, Juan |
| Naskiĝo | 31-an de majo 1930 en Valencio |
| Morto | 15-an de majo 2020 (89-jaraĝa) en Madrido |
| Lingvoj | hispana |
| Ŝtataneco | Hispanio 
|
| Alma mater | Reial Acadèmia de Belles Arts de Sant Carles de València (en) 
|
| Parencoj | Francesc Candel Tortajada (unuaranga kuzo)
|
| Okupo | |
| Okupo | pentristo grafikartisto
|
| TTT | |
| Retejo | http://juangenoves.com |
Lia firma konvinko pri la transformiga arto engaĝiĝinta kun la medio kondukis lin al partopreno en gravaj kolektivoj de la epoko de la frankisma diktaturo kiel Los Siete (1949), Grupo Parpalló (1956) kaj Hondo (1960).[1] Lia artopropono konkretiĝos en senegala politika realismo de forta socia kritiko, farita el la manipulado de bildoj havigitaj per la amaskomunikiloj.
Lia plej konata verko estas plej probable "El Abrazo" ("La brakumo") de 1976 (konata ankaŭ kiel "Amnestio", 151x201 cm pentraĵo nun apartenanta al la kolekto de la Muzeo Reĝino Sofia, en Madrido), reproduktita tre populare en afiŝoj dekomence por Amnestio Internacia dum la Hispana transiro, kiu poste iĝos la skulptaĵo "La brakumo", kiel omaĝo al la murditoj de Atoĉa. Fakte la bildo estis inspirita el la rigardo al brakumado de infanoj elirintaj el lernejo.[1]
Verkoj de Genovés estas ekspoziciataj en kolektoj de muzeoj tra la tuta mondo kiel MOMA, Guggenheim de Novjorko, The Art Institute of Chicago, IVAM (Institut Valencià d'Art Modern), la Galleria Nazionale d'Arte Moderna de Romo, aŭ la Muzeo Reĝino Sofia. Li ricevis premiojn "Premio Nacional de Artes Plásticas" (1984) kaj Ormedalo al Merito en Belartoj (2005), inter aloaj omaĝoj.[1]
Notoj
redaktiEksteraj ligiloj
redakti- Oficiala tejo
- VEGAP - Bildaro
- Artnet
- Intervjuo pri "El Abrazo"
- Juan Genovés en la programo de TVE nome Imprescindibles.