Malfermi la ĉefan menuon
Jussy
Blazono de Jussy
Jussy
Kantono Ĝenevo
Distrikto (Ne estas distriktoj en Kantono Ĝenevo)
Koordinatoj  46°15′0″N 6°17′0″E  /  46.25°N, 6.28333°O / 46.25; 6.28333 (Jussy GE)
Nombro de enloĝantoj 1214
Areo 11,27 km²
Alteco 470 m super marnivelo
Poŝtkodo 1254
Komunumkodo 6626
Mapo de Jussy
v  d  r
Information icon.svg

Enhavo

Pri la komunumoRedakti

Jussy estas komunumo en Kantono Ĝenevo, Svislando. Ĝi havis 1214 loĝantojn je la 30-a de aprilo 2010.

GeografioRedakti

Jussy estas la plej orienta komunumo de Kantono Ĝenevo, kaj en ĝi sur alteco de 517,7 metroj ĉe limŝtono al Francio situas la plej alta punkto de la kantono. Al Jussy apartenas krom la ĉefvilaĝo mem la vilaĝetoj Monniaz kaj Lullier. Ekstere de la ĝeneva aglomeraĵo la komunumo konservis sian kamparan aspekton, kiun karakterizas agrikulturo kaj precipe vitejoj.

La teritorio de la komunumo etendiĝas sur areo de 11,35 km², de kiuj 36,7% estas kovritaj de arbaro, 54,10% servas por agrikulturo kaj 8,1% por setlado.

Najbaraj komunumojRedakti

La komunumo Jussy limas en nordo al Gy, en nordoriento al Machilly (Francio), en oriento al Saint-Cergues (Francio), en sudoriento al Juvigny (Francio), en sudo al Presinge, kaj en okcidento al Meinier.

TrafikoRedakti

Jussy estas konektita al la loka transportreto de Ĝenevo per la buslinio n-ro C.

Tra la komunumo pasas la kantona ĉefvojo de Ĝenevo al Machilly. Rekte apud la limo sur franca teritorio en Juvigny situas stacidomo ĉe la franca fervojlinio de Thonon-les-Bains al Ĝenevo.

Inĝeniera lernejo de LullierRedakti

En Lullier troviĝas kun la inĝeniera lernejo de Lullier filio de la Universitata Altlernejo de Okcidenta Svislando (france Haute école spécialisée de Suisse occidentale), kiu specialiĝis en agrikulturo, hortikulturo, pejzaĝa arkitekturo kaj naturmastrumado.

HistorioRedakti

La unua dokumenta mencio de Jussy datiĝas el la jaro 1180 kiel Jussiacum Episcopi. Ĝis la jaro 1850 al Juss ankaŭ partenis la vilaĝo Gy, kiu hodiaŭ estas memstara komunumo. Ĝis 1816 Jusy kune kun kelkaj najbaraj komunumoj formis eksklavon de la Respubliko Ĝenevo en Savojo. Kune kun Kantono Ĝenevo la komunumo en la jaro 1816 estis integrita al Svislando.

Vidu ankaŭRedakti

  • Aliaj lokoj kun la nomo Jussy

Eksteraj ligilojRedakti