Eberdingen
Eberdingen - prononco [E:badingn] - estas komunumo en Germanio. Ĝi troviĝas en la distrikto Ludwigsburg kaj en la distriktaro Stutgarto de la federacia lando Baden-Virtembergo. Fine de decembro 2022 la komunumo havis 6972 loĝantojn.
| Eberdingen | |||||||
| |||||||
| |||||||
|---|---|---|---|---|---|---|---|
| neurba komunumo de Germanio | |||||||
| Administrado | |||||||
| Federacia lando | Baden-Virtembergo | ||||||
| Distriktaro | Distriktaro Stutgarto | ||||||
| Distrikto | Distrikto Ludwigsburg | ||||||
| Urborajtoj | – | ||||||
| Telefona antaŭkodo | 07042 | ||||||
| Poŝtkodo | 71735 | ||||||
| Aŭtomobila kodo | LB | ||||||
| Oficiala Municipokodo | 08118012 | ||||||
| Politiko | |||||||
| Komunumestro | Peter Schäfer | ||||||
| Adreso de la administrejo | Stuttgarter Straße 34 | ||||||
| Demografio | |||||||
| Loĝantaro | 6972 (stato 2022-12-31) [fonto: landa statistika oficejo (decembro 2020)] | ||||||
| Geografio | |||||||
| Geografia situo | 48° 53′ N, 8° 58′ O (mapo)48.8794444444448.9652777777778Koordinatoj: 48° 53′ N, 8° 58′ O (mapo) | ||||||
| Alto super la marnivelo | 272 m | ||||||
| Areo | 26,21 km² | ||||||
| Oficiala retejo | https://www.eberdingen.de/ | ||||||
Vidindaĵoj redakti
Plej grava vidindaĵo estas la "tombo de la kelta princo" en la parto Hochdorf an der Enz.
Rande de la vilaĝo troviĝas grandega kelta tumulo (tombomonto). Ĝi mezuras 6 metrojn da alteco kaj havas diametron de 60 metroj. La tombo estis elfosita en la jaro 1978 kaj datita al 530 a.K.. La tombo estis lukse ekipata kaj - surprize - neniam prirabata. La situo de la tombo estas elstara, kun rekta rigardo al Hohenasperg, kiu tiutempe estis la princa sidejo kaj rifuĝburgo.
La entombigito estis kelta princo, viro, 40-jaraĝa, kun impona alteco de 1,87 m. Li estis metita sur bronza kanapo. Li estis entombigita kun or-tegita torko (kolringo) sur lia kolo, braceleto sur lia dekstra brako, kaj plej rimarkinde, maldikaj gravuritaj oraj tabuloj estis sur liaj - dume disfalintaj - ŝuoj. Ĉe la piedo de la kanapo estis grandega kaldrono 500-litra, ornamita kun tri leonoj ĉe la randaĵo. La orienta flanko de la tombo enhavis kvar-radan ĉaron tenanta aron de bronzaj pladoj - servico sufiĉe multnombra por servi naŭ kunmanĝantojn.[1]
-
La tombo, rekonstruita en la muzeo -
La ornamaĵoj de la princo -
Ponardo kaj ingo -
La ĉaro
Referencoj redakti
- ↑ Literaturo pri la elfosado:
- Jörg Biel: Der Keltenfürst von Hochdorf. 3. Aufl. Theiss, Stuttgart 1995, ISBN 3-8062-1172-8 germane
- Antje Theel: Die Rekonstruktion von Sozialstrukturen am Beispiel des so genannten Fürstengrabes von Hochdorf. Leipzig 2006 rete legebla Arkivigite je 2007-06-07 per la retarkivo Wayback Machine (germane)
