Kerpen

Kerpen estas urbo en la federacia lando Nordrejn-Vestfalio de Germanio. Ĝi apartenas al la distrikto Rhein-Erft kaj al la distriktaro Kolonjo, inter la urboj Kolonjo kaj Akeno. Fine de decembro 2019 la urbo havis 66 702 loĝantojn.

Kerpen
Kerpen (Germanio) DEC
Administrado
Federacia lando	Nordrejn-Vestfalio
Distriktaro	Distriktaro Kolonjo
Distrikto	Distrikto Rhein-Erft
Urborajtoj	Urbo ('Stadt)
Telefona antaŭkodo	02237 (Balkhausen, Brüggen, Kerpen, Türnich), 02273 (Horrem, Sindorf), 02275 (Blatzheim, Buir, Manheim)
Poŝtkodo	50169, 50170, 50171
Aŭtomobila kodo	BM
Oficiala Municipokodo	05362032
Subdivido	9 urbopartoj (Stadtbezirke)
Politiko
Komunumestro	Marlies Sieburg
Partio de komunumestro	SPD
Adreso de la administrejo	Jahnplatz 1 50171 Kerpen
Demografio
Loĝantaro	66702 (stato 2019-12-31) [fonto: landa statistika oficejo]
Geografio
Geografia situo	50° 52′ N, 6° 42′ O (mapo)50.8719444444446.6961111111111
Alto super la marnivelo	95 m
Areo	113,94 km²

Rilatoj al Esperanto

En la urboparto Manheim estas strato nomata "Esperantostraße": la strato estas ties kerno, en kiu situas la elementa lernejo, la junulara centro, kultura kunvenejo, la centra ĉionvendejo. La urboparto inkluzive de la Esperantostrato tamen malaperos ĝis la jaro 2022 pro la tersurfaca minado de lignito: jam en 2014 duono el la domoj de la urboparto estas forlasitaj kaj gazetaj artikoloj nomis ĝin "fantoma urbo". La loĝantoj ricevis novan urboparton, konsekvence nomata Manheim-Neu, kaj postulis ke ankaŭ tie estu "Esperantostraße". Sed ĉar komunumo en Germanio ne rajtas havi du samnomajn stratojn samtempe, la strato en la nova urboparto baptiĝis "Esperantoweg". Tiel Kerpen iĝis unu el la tre malmultaj loĝlokoj tutmonde, kiuj samtempe disponas pri du stratoj nomataj pro Esperanto.

• 
  kastelo Lörsfeld
• 
  kastelo Türnich
• 
  burgo Bergerhausen
• 
  kirko de la komunumoparto Manheim