Léon Maurice Anoma Kanie
Léon Maurice ANOMA KANIE - naskiĝinta en 1920, mortinta la 7-an de julio 2004[1] - estis eburborda verkisto, kiu dum multaj jaroj ankaŭ funkciis kiel ambasadoro de sia lando. Li verkis en la franca lingvo kaj kiel verkista reprezentanto de sia lando plurajn jarojn aktivis en la PEN-klubo internacia. Kadre de tiu aktivado li interalie en la 50-a PEN-kongreso de 1987 en la svislanda urbo Lugano renkontiĝis kaj diskutis kun la esperantlingva verkisto kaj mondvojaĝanto Tibor Sekelj.[2]
| Léon Maurice Anoma Kanie | ||
|---|---|---|
| Persona informo | ||
| Naskiĝo | 30-an de novembro 1919 | |
| Morto | 7-an de julio 2004 (84-jaraĝa) | |
| Lingvoj | franca vd | |
| Ŝtataneco | Ebur-Bordo vd | |
| Profesio | ||
| Okupo | diplomato • poeto • verkisto vd | |
| vd | Fonto: Vikidatumoj | |
Listo de elektitaj verkaĵoj redakti
- Les Eaux du Comoë, 1951
- L'avenir de l'archeologie dans les pays sans écriture ou en voie de developpement, Institute For International Sociological Research, 1971
- Quand les bêtes parlaient aux hommes, 1974
Internacie aparte konatiĝis lia poemo Tout ce que tu m'as donné, Afrique (Ĉio kion vi donis al mi, Afriko), kiu tradukiĝis al pluraj lingvoj kaj interalie uziĝas kiel bazo de diskutoj pri tutafrika identeco en lernejoj.[3]
Eksteraj ligiloj redakti
Referencoj redakti
- ↑ nekrologa noto en la retejo necrologie.ci
- ↑ 50-a PEN-kongreso, Lugano 1987: Léon Maurice Anoma Kanie, eburborda verkisto kaj ambasadoro, ĉetable kun la mondvojaĝisto esploristo kaj ĵurnalisto Tibor Sekelj, defendanto de agnosko de Esperanto kiel literaturlingvo, Österreichische Nationalbibliothek, ÖNB 7920556
- ↑ ekzemplo pri uzo de la poemo "Ĉio kion vi donis al mi, Afriko" kiel bazo de diskutoj pri tutafrika identeco en lernejoj en la anglalingva libro "Literatures of the World", 2007, eldonita de Erlinda Sialongo kaj aliaj, paĝoj 188 ĝis 192
