Grancy
Grancy estas komunumo en la distrikto Morges en Kantono Vaŭdo, Svislando. Ĝi havis 396 loĝantojn je la 31-a de decembro 2012.
| Grancy | |
|---|---|
 | |
| Blazono de Grancy | |
| komunumo en Svislando | |
| Kantono | Vaŭdo |
| Distrikto | Morges |
| Koordinatoj | 46° 35′ 31″ N 6° 27′ 55″ O / 46.59194 °N, 6.46528 °O (mapo)Koordinatoj: 46° 35′ 31″ N 6° 27′ 55″ O / 46.59194 °N, 6.46528 °O (mapo) |
|
| |
| Areo | 5,69 km² |
| Alteco | 581 m super marnivelo |
| Poŝtkodo | 1117 |
| Komunumkodo | 5485 |
 | |
| Situa mapo de Grancy | |
Geografio
redaktiLa komunumo Grancy situas en la Vaŭda Mezlando, proksimume 10 kilometrojn nordnordokcidente de la distriktĉefurbo Morges. La nordokcidentan komunumlimon formas la rivero Veyron, alfluanto de Venoge. La plej alta punkto de la komunumo situas sur alteco de 614 m s.m. sur la Monto Pelloux. La komunumo konsistas el la vilaĝo Grancy kaj la setlejoj Le Censury kaj Les Pâles, kaj la parto de la vilaĝo Saint-Denis, kiu situas sude de la rivero Veyron.[1]
La teritorio de la komunumo etendiĝas sur areo de 5,69 km², de kiuj 24,8% estas kovritaj de arbaro, 68,5% servas por agrikulturo kaj 4,7% por setlado. [2]
Najbaraj komunumoj
redaktiLa komunumo Grancy limas en nordo al La Chaux, en oriento al Senarclens, en sudoriento al Vuillerens, en sudokcidento al Cottens, en okcidento al Pampigny, kaj en nordokcidento al Chavannes-le-Veyron.
Trafiko
redaktiTra Grancy pasas la kantona ĉefvojo n-ro 124 de Cossonay al Aubonne. Konekta vojo kondukas al Chavannes-le-Veyron. La plej proksima alveturejo al la svisa aŭtovojo A1 situas proksimume 7 kilometrojn okcidentsudokcidente de la komunumo apud Villars-Sainte-Croix. Pere de poŝtaŭtolinio de Morges tra Cottens al Cossonay la komunumo estas konektita al la publika transportreto.
Historio
redaktiLa unua dokumenta mencio de Grancy datiĝas el la jaro 1141 kiel Granci. Tra la komunuma teritorio dum la romia epoko kondukis armea vojo de Yverdon al Aubonne. Apud la vojo estis malkovrita restaĵoj de signifa vilao. Dum mezepoko Grancy estis dividita inter diversaj feŭdoj, kiuj inter aliaj apartenis al la familio de Senerclens. En la jaro 1536 Grancy estis atribuita al la Paroĥo Vullierens, sed en la jaro 1570 ĝi fariĝis memstara paroĥo. Sub la berna regado ĝi apartenis al la Voktejo Morges, el kiu post la Helveta Revolucio de 1798 fariĝis la Distrikto Morges.[3]
Notoj kaj referencoj
redaktiEksteraj ligiloj
redakti- Vidu ankaŭ en la Vikimedia Komunejo la kategorion Grancy – (Kolekto de bildoj kaj plurmediaj dosieroj)