Les Barker
Les BARKER (n. la 30-an de januaro, 1947 - 14-an de januaro 2023) estis angla-kimra poeto. Li estis plej konata kiel humura, satira monologisto, kaj kiel parodiisto. Pluraj el liaj monologoj estas kantigitaj, kaj prezentitaj ĉefe de li kaj la muzikgrupo The Mrs Ackroyd Band, kies nomo venis de lia nun forpasinta hundeto, Mrs Ackroyd.[1] Lia monologo Guide Cats for the Blind[2] ("Gvidkatoj por la blindaj") servis reklame por havigi al British Computer Association of the Blind monon por disponigi kaj utiligi komputilojn al homoj nevidipovaj. Ekzemplo de lia parodia verkado estas "The Sloop John A"[3]. Post translokiĝo en Kimrion, li lernis la kimran lingvon kaj post du jaroj povis uzi ĝin en verkado kaj prezentado. Li nun nomas sin kimro. En januaro 2008 li suferis korinfarkton, sed baldaŭ reaktiviĝis. Oni premiis lin per la NIACE Inspire Award kiel Kimra Lingvolerninto de la Jaro en 2008.[4], kaj ĉe la solenaĵo li deklamis sian poemon "Ĉu novaĵon tamen pri la glacimonto?" (angl-originale "Have you Got Any News of the Iceberg?") en la kimra. Unu el liaj kantoj uzas (kvarfoje) la loknomon kimran "Llanfairpwllgwyngyllgogerychwyrndrobwllllantysiliogogogoch" kiel refrenon. En 2009 lia ŝatantaro klopodis nomumi lin kiel la Brita Poeto-Laŭreato.[5]
| Les Barker | ||
|---|---|---|
 Les Barker deklamas en 2010 ĉe la Festivalo Ely
| ||
| Persona informo | ||
| Naskiĝo | 30-an de januaro 1947 en Manĉestro | |
| Morto | 14-an de januaro 2023 (75-jaraĝa) en Oswestry | |
| Lingvoj | angla • kimra vd | |
| Ŝtataneco | Unuiĝinta Reĝlando (Britio)  vd
| |
| Profesio | ||
| Okupo | poeto vd
| |
| vd | Fonto: Vikidatumoj | |
Citaĵoj
redakti- ↑ Biography Arkivigite je 2004-04-05 per la retarkivo Wayback Machine ĉe la retpaĝoj de Mrs Ackroyd
- ↑ "Guide Cats For The Blind - Les Barker" ĉe YouTube.com
- ↑ "Sloop John A Les Barker and Gang" ĉe Youtube.com
- ↑ http://www.bbc.co.uk/radio2/r2music/folk/news/ LES BARKER WINS WELSH AWARD [21/05/08]
- ↑ Vote Les as our very own Poet Laureate?!, 31 March 2009, BBC North East Wales Weblog
Eksteraj ligiloj
redakti- Les Barker Mrs Ackroyd Band index Hejmpaĝo de la muzikgrupo
- All Music Guide biography by Craig Harris