Ligurio

itala regiono
(Alidirektita el Ligurujo)
Disambig.svg Por la gemo, vidu la artikolon Ligurio (gemo).

LigurioLigurujo (itale Liguria [ligurja]) estas marborda regiono de nordokcidenta Italio, kaj la tria plej malgranda regiono de Italio.

Ligurio
itale Liguria

Flago

Blazono

Flago Blazono
Kodo: LIG
Ŝtato: Italio
Areo: 5 410 km²
Ĉefurbo: Ĝenovo
Loĝantaro: 1 533 000 (1a januaro 2020) loĝ.
Loĝdenso: 285 loĝ./km²
Provincoj: Ĝenovo, Imperia, La Spezia, Savona
Komunumoj: listo de 235 komunumoj
Kodo laŭ ISTAT: 07
Prezidanto: Giovanni Toti  2015/05/31
Retejo: oficiala paĝo
Mapo
Information icon.svg
vdr

Ĝi samlimas okcidente kun Francio, norde kun Piemonto, nordoriente kun Emilio-Romanjo kaj oriente kun Toskanio. Ĝi situas borde de la Ligura Maro, kiu estas parto de la pli granda Tirena Maro.

La teritorio estas monta (65%) kaj monteta (35%), preskaŭ ne ekzistas ebenaĵoj, esceète malgrandaj ĉe la elfluejoj de la riveroj, kaj la montoj ofte alvenas ĝis la maro.

GeografioRedakti

La regiono areas 5421 km² ĝi enhavas 235 komunumojn kaj 1.534.000 loĝantoj (2020) - (estis 1.622.578 loĝantojn laŭ la nombrado de 2001).

La liguria marbordo ĝuas mildan maran klimaton, se oni komparas kun la kontinenta klimato de la valo de Pado, nur malmultajn kilometrojn pli norde; dum januaro, Ĝenovo atingas mezan temperaturon de cirkaŭ 8-10 °C, sen frosto, kiu nur okazas tra la landinternaj montoj. Somere mezaj temperaturoj estas cirkaŭ 24–25 °C.

La liguraj montoj apartenas al Alpoj okcidente kaj al Apeninoj oriente; la plej alta pinto estas Monte Saccarello (2.201 metroj), situanta en la Maraj Alpoj. Pro la konformiĝo de la teritorio ne ekzistas longaj riveroj, kiuj fluas al la maro, la plej grandaj estas la Magra, kies plej granda parto de sia kurso, tamen, estas en Toskanio, kaj ĝia alfluanto Vara; Estas ankaŭ iuj alfluantoj kaj subalfluantoj kiuj naskiĝas en Ligurio kaj iras norde al la rivero Pado, kiel Tanaro, Bormida, Scrivia kaj Trebbia.

La pluvo povas iam esti tre abunda; la montoj tre proksimaj de la marbordo facile estigas pluvon, tial Ĝenovo povas atingi eĉ 2000 mm de pluvo per jaro; aliloke tamen oni atingas nur la normalajn pluvkvantojn de la mediteraneaj regionoj (500–800 mm).

Ĉefaj lagoj: Lago Brugneto (artefarita) 0,97 Km²

Ĉefaj insuloj: Palmaria 1.89 Km²

Estas notinde ke, malgraŭ la granda loĝdenseco, duono de la regiona areo konsistas el arbaroj; fakte la loĝantaro koncentriĝas ĉe la maro.

La nomo Liguria estas praantikva, kaj devenas de antaŭ la romia epoko.

Ĝenovo estas la regiona ĉefurbo kaj la plej loĝata urbo. La regiono enhavas kvar provincojn: Ĝenovo, La Spezia, Imperia kaj Savona.

Ĉefaj urbojRedakti

Krom Ĝenovo, kaj la aliaj provincaj ĉefurboj (La Spezia, Savona kaj Imperia), inter la plej loĝataj urboj estas Sanremo, kiu estas en la 4a vico en la listo de la urboj kiuj havas pli ol 50.000 loĝantoj[1]

(Datumoj de ISTAT je la 31a de dec. 2019)

1 Ĝenovo Provinco de Ĝenovo 565 752 loĝ.
2 La Spezia Provinco de La Spezia 92.550 loĝ.
3 Savona Provinco de Savona 59.439 loĝ.
4 Sanremo Provinco de Imperia 52.622 loĝ.

(sekvas Imperia kun 41.969 loĝantoj).

EkonomioRedakti

La liguria ekonomio estas malpli ligita al peza industrio ol en la pasinteco, sed pludaŭras la plej evoluintaj industriaj sektoroj de la ŝtalaj, metalurgiaj, ŝipkonstruaj, petrolkemiaj, elektroteknikaj kaj nutraĵaj sektoroj; Agrikulturo ĉefe koncentriĝas al produktoj kiel: floroj, fruktoj, legomoj, vinaj vinberoj kaj olivoj; fiŝkaptado gravegas. la terciara sektoro sorbas grandan nombron da laboristoj kaj estas ligita al la havenoj de Ĝenovo (unu el la plej gravaj en Italio) kaj Savono. Turismo estas bonega rimedo kaj estas kuraĝigita de la beleco de la pejzaĝoj kaj la favora klimato.

Aliaj projektojRedakti

Eksteraj ligilojRedakti

  1. (Datumoj de ISTAT je la 31a de dec. 2019) https://www.istat.it/storage/codici-unita-amministrative/Classificazioni-statistiche-Anni_2009-2010.zip