Luterana preĝejo (Siófok)

La Luterana preĝejo estas jam sakrala historia monumento (deklarita en 1997) en urbo Siófok (Hungario).

Luterana preĝejo de Siófok
La luterana preĝejo de Siófok
Luterana kirko
Loko
Ŝtato	Hungario
Municipo	Siófok
Bazaj informoj
Religio	kristanismo
Rito	luteranismo
provinco	Somogy
paroĥo	loke
Dato de konsekro	1992
Arkitektura priskribo
Arkitektoj	Imre Makovecz
Konstruado	1987–1990
Specifo
Konstrumaterialo	lignoj
Ligiloj
Adreso	Siófok, Városközpont, Fő utca, Oulu park

Historio

La sporadaj luteranoj en Siófok apertenis al la luterana grupo de Enying. Ekde 1934 jam diservoj okazis en la kalvinana preĝejo (Siófok). Dum la 2-a mondmilito la luteranoj luis domon por preĝdomo, ĝi estis aĉetita en 1948. La nun videbla preĝejo estis konstruita inter 1986-1990. La necesa ligno alvenis el la finna ĝemelurbo Oulu, tial la ĉirkaŭa parko ricevis la nomon Oulu Park, kie trovis lokon ankaŭ la paroĥo.

Konstruaĵo

La moderna konstruaĵo situas sola en parko. La fasado estas simetria. La kvar partoj de la konstruaĵo - ankaŭ nomita la "Ŝipo de Kristo" - montras al la kvar direktoj kaj havas kvar enirejojn. Ĝia simbola sistemo estas riĉa: super la ĉefa enirejo videblas anĝelaj flugiloj, kiuj "protektas" la enirantajn en la preĝejon, kaj sur la supro de la tegmento estas metita vivo-arbo, el kiu kreskas kruco. la Golgota kruco ne simbolas morton, sed montras la vojon al la eterna vivo. Statuo de László Péterfy pri Resurekto anstataŭas la altaran bildon.

Fontoj

• hungare kun fotoj
• hungare kun fotoj
• hungare kun fotoj Arkivigite je 2023-05-20 per la retarkivo Wayback Machine
• hungare kun foto

• 
  Malantaŭa parto
• 
  Aerfoto
• 
  Flanka parto