Mór Wahrmann

Mór Wahrmann

WAHRMANN Mór (29-an de februaro 1832, Pest (urbo), – 26-an de novembro 1892, Budapeŝto) estis grandkomercisto (tekstilaĵoj), la unua judreligia politikisto en la hungara parlamento.

Mór Wahrmann devenis el juda familio. Li studis filozofion en la Reĝa Universitato de Pest, poste transprenis gvidon de la grandkomerca negoco de lia patro. Li estis prezidanto de la Komerca kaj Industria Kamero, kaj de la Asocio Lloyd. Li partoprenis en fondo de multaj entreprenoj (Vapormueleja Asocio Pannónia, Angla-Hungara Banko, Maŝinfabriko Ganz).

Post la aŭstra-hungara interkonsento, li ekaktivis en la politiko kaj ekde 1869 estis parlamenta reprezentanto de Lipótváros. Li apogis politikon de Ferenc Deák.

Li estis prezidanto de la Peŝta Izraelita Religia Komunumo (1883 – 1892). Li postlasis grandsuman fondaĵon por la Hungara Scienca Akademio.

LiteraturoRedakti

  • Mezei Ernő: Wahrmann Mór jellemzése (Az Újság, 1908. jún. 17.)
  • (Mérei Gyula): Wahrmann Mór (Az Izr. Magy. Irod. Társ. Évk. 1943.)