Malgranda emberizo
La Malgranda emberizo (Emberiza pusilla) estas birdo de la grupo de emberizoj el la ordo de paseroformaj birdoj kaj genro de la familio de Emberizedoj kiu iam estis enmetitaj en Fringedoj.
 | ||||||||||||||
|---|---|---|---|---|---|---|---|---|---|---|---|---|---|---|
 Malgranda emberizo
| ||||||||||||||
| Biologia klasado | ||||||||||||||
| ||||||||||||||
| Emberiza pusilla (Pallas, 1776) | ||||||||||||||
| Konserva statuso | ||||||||||||||
 Natura arealo
| ||||||||||||||
Aliaj Vikimediaj projektoj
| ||||||||||||||
Aspekto
redaktiTiu estas malgranda emberizo 12-13.5 cm longa (kaj tio nomigas la specion kaj en la komuna nomo kaj en la latina scienca nomo). Ĝi havas malhelstriecan brunan dorson kun blankaj subaj partoj kun fajna tre malhela strieco ĉefe en supra brusto kaj flankoj. Pro bruna vizaĝo kaj blanka mustaĉa strio, ĝi estas iom simila al la proksime parenco la Brunorela emberizo sed ĉefe similas al malgranda ino de la ne tiom proksima Kanemberizo, sed ĝi havas nigran subkronan strion, nigran bordon al la tre bruna orelareo kaj blankan okulringon. La kruroj estas rozkoloraj kaj la beko griza. Ambaŭ seksoj estas similaj.
La alvoko estas distinga zik, kaj la kanto estas ruleca siruu-sir-sir-siruu.
Ekologio
redaktiLa Malgranda emberizo reproduktiĝas tra la tajgo de malproksima nordoriento de Eŭropo kaj norda Azio. Ĝi estas migranta specio, kiu vintrumas en subtropiko de norda Barato, suda Ĉinio kaj nordaj partoj de sudorienta Azio. Tiuj birdoj restas en la vintrejoj dumlonge; oni kaptis specimenojn en Junano fine de marto[1]. Ĝi estas rara vaganto en okcidenta Eŭropo. Tiu specio estas adaptebla; en montoj de Butano ekzemple, kie vintrumas malgrandaj nombroj, ĝi troviĝas tipe en agrikultura habitato, ĉefe inter 1,000 kaj 2,000 m super marnivelo[2].
Illi reproduktiĝas en malferma arbaro de koniferoj, ofte kun iome da betulo aŭ salikoj. La ino demetas 4-6 ovojn en arbonesto. Ties natura manĝo konsistas el insektoj dum idomanĝigado kaj for de la reprodukta sezono semoj.
Ĝi estas komuna specio de tre ampleksa teritorio kaj pro tio ĝi ne estas konsiderata minacata fare de la IUCN.[3]
Notoj
redaktiReferencoj
redakti- Outram Bangs (1932): Birds of western China obtained by the Kelley-Roosevelts expedition. Fieldiana Zoology 18(11): 343-379. Plena teksto ĉe Internet Archive
- BirdLife International (BLI) (2008). Emberiza pusilla. En: IUCN 2008. IUCN Ruĝa Listo de Endanĝeritaj Specioj. Elŝutita en 23a Majo 2009.
- Inskipp, Carol; Inskipp, Tim & Sherub (2000): The ornithological importance of Thrumshingla National Park, Bhutan. Forktail 14: 147-162. PDF Plena teksto Arkivigite je 2012-02-15 per la retarkivo Wayback Machine
Eksteraj ligiloj
redakti- OBC Arkivigite je 2021-05-09 per la retarkivo Wayback Machine 29 fotoj (vidu menuon sube)
