Malhela jakuo
Malhela jakuo aŭ Malhela penelopo (Penelope obscura) estas kokoforma birdo de la samnoma genro Penelopo kaj familio de Kracedoj. Ĝi vivas en etaj areoj en la atlantika arbaro en la plej sud-orienta parto de Brazilo, dise en sudcentra Bolivio, Paragvajo, norda Urugvajo kaj dise en nordorienta Argentino. Ĝi preferas montajn arbarojn.
 | ||||||||||||||
|---|---|---|---|---|---|---|---|---|---|---|---|---|---|---|
 Malhela jakuo Penelope obscura
 | ||||||||||||||
| Biologia klasado | ||||||||||||||
| ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Ties natura habitato estas subtropikaj aŭ tropikaj malsekaj arbaroj de malaltaj teroj kaj montararbaroj. La birdo mezuras averaĝon de 73 centimetroj longe kaj pezas averaĝe 1.2 kilogramojn, kaj estas tre simila laŭ aspekto al ties pli malgranda parenco, la Brova penelopo (P. supercilliaris). Ĝi estas granda birdo malhelbruna kun blanka striado en brusto, dorso kaj ŝultroj, dum flugiloj kaj vosto estas tutbrunaj. La vizaĝo estas nigreca kie kontrastas la ruĝaj irisoj kaj mentonsakoj. Ankaŭ la beko estas nigreca kaj fortika, iom subenkurbita.
La Malhela jakuo manĝas etajn fruktojn kiel arasaojn, pitangojn, kolombfruktojn kaj fruktojn de la Jusaropalmo (Euterpe edulis), florojn kaj birĝonojn el la grundo aŭ plukitaj el la arbobranĉoj kaj ĝi funkcias kiel semodisiganto por variaj specioj de arboj kaj palmoj, kiaj la endanĝerita palmo Euterpe edulis, aŭ la palmoj de la genro Syagrus.[1] Ili manĝas ankaŭ etajn senvertebrulojn. Ili kutime vivas sur arboj.
Subspecioj
redaktiOni konas tri subspeciojn de Penelope obscura:[2]
- Penelope obscura bronzina - orienta Brazilo (el Espírito-Santo al Santa Catarina)
- Penelope obscura obscura - el plej sudorienta Brazilo al sudorienta Paragvajo, Urugvajo kaj nordorienta Argentino
- Penelope obscura bridgesi - orienta deklivaro de Andoj de Bolivio al nordokcidenta Argentino
Referencoj
redakti- ↑ portugale, José Felipe Monteiro Pereira (2008) Aves e Pássaros Comuns do Rio de Janeiro Rio de Janeiro: Technical Books pp.48 ISBN 978-85-61368-00-5
- ↑ Clements, J. F. 2007. The Clements Checklist of Birds of the World, 6th Edition. Cornell University Press. Elŝutebla el Cornell Lab of Ornithology
Eksteraj ligiloj
redakti- Filmetoj de Malhela jakuo ĉe Internet Bird Collection
- Poŝtmarkoj (de Argentino) kun mapo
- Fotaro de Malhela jakuo VIREO
- Foto-High Res Arkivigite je 2010-06-25 per la retarkivo Wayback Machine; Article Arkivigite je 2007-12-21 per la retarkivo Wayback Machine chandra.as.utexas.edu—"Birds of Brazil"
