Marŝapogilo
Marŝapogilo estas helpilo dum la piedirado por maljunaj aŭ handikapitaj homoj kiuj pro korpaj limigoj malfacile povas piediri aŭ estas limigitaj en sia marŝkapablo, korpa funkciado aŭ ekvilibra sistemo. Damaĝo al ĉi tiuj korpaj sistemoj, en la kazo de la uzantoj de apogiloj, povas esti pro ĝenerala malfortiĝo kaŭzita de maljuneco aŭ pro damaĝo al la nerva sistemo, muskoloj aŭ ostoj.
La marŝapogilo permesas marŝi por homoj kies fizikaj kapabloj estas pli malaltaj ol la kapabloj necesaj por marŝi per lambastonoj aŭ promenbastono.
La apogilo konsistas el aluminia kadro, kiu estas ĝustigita al la alteco de la talio kaj la larĝo de la uzanto, kun profundo de ĉirkaŭ 30 centimetroj. Ĉi tiu kadro havas kvar fostojn, ĉiu el kiuj enhavas piedon aŭ radon en la malsupra parto kaj ĉiu paro de ili estas ligita en la supra parto per tenilo. Foje estas radoj sur la fronto de la apogilo. Ekzistas ankaŭ marŝrulilo kun du aŭ kvar radoj. En la kazo de du radoj, ili estas kutime ĉe la fronto de la apogilo.
Estas apogiloj kiuj enhavas sidsurfacon por ebligi sida ripozo de la uzanto.
Marŝapogiloj povas ankaŭ esti uzataj de infanetoj sen handikapoj kaj estas dezajnitaj por akceli lernadon de la lerteco de paŝado.
Glitkurado redakti
En multaj sketejoj, apogil-simila aparato sen radoj estas uzata por permesi al novicaj glitkurantoj konservi sian ekvilibron kaj praktiki glitkuradteknikojn. Ankaŭ en rulsketadoj estas uzata apogilo simila al tiu uzata de homoj kun limigita moviĝeblo, por permesi al komencantoj pri glitkurado disvolvi sian glitkapablecon.