Maria de Hispanio (Portugalio)
Maria de Hispanio aŭ pli precize María de Aragono kaj Kastilio (naskiĝis la 29-an de junio 1482 en Kordovo, Hispanio, mortis la 7-an de marto 1517 en Lisbono, Portugalio), estis la kvara filino de la Katolikaj Gereĝoj, nome Isabel la 1-a (Kastilio) kaj Fernando la 2-a (Aragono), estis reĝino de Portugalio kiel dua edzino de Emanuelo la 1-a, mortinta en 1521.
| Maria de Hispanio Maria de Aragono kaj Kastilio | ||
|---|---|---|
| Princino de Hispanio (denaske) Reĝino de Portugalio (progeedze) | ||
 Maria de Hispanio, reĝino de Portugalio
| ||
| Persona informo | ||
| Naskonomo | María de Aragón y Castilla María de Trastámara y Trastámara | |
| Naskiĝo | 29-an de junio 1482 en Kordovo,  Hispanio
| |
| Morto | 7-an de marto 1517 (34-jara) en Lisbono,  Portugalio
| |
| Mortis pro | postnaskaj komplikiĝoj [#] | |
| Tombo | Monaĥejo de la hieronimanoj de Belém [#] | |
| Religio | katolikismo | |
| Lingvoj | hispana [#] | |
| Ŝtataneco | Kronlando de Aragono • Reĝlando de Kastilio • Reĝlando Portugalio [#] | |
| Familio | ||
| Dinastio | Trastamaro | |
| Patro | Fernando la 2-a de Aragono [#] | |
| Patrino | Isabel la 1-a [#] | |
| Gefratoj | Isabel de Hispanio • Katerino de Aragono • Johana de Kastilio • Alonso de Aragón • Johano de Aragono kaj Kastilio • Alonso de Estrada • Johano de Aragono [#] | |
| Edz(in)o | 1500-1517 Emanuelo la 1-a | |
| Infanoj | 10 gefiloj, inter ili reĝoj Johano la 3-a kaj Henriko la 1-a | |
| Profesio | ||
| Okupo | aristokrato [#] | |
| [#] | Fonto: Vikidatumoj | |
Ŝi edziniĝis la 30-an de oktobro 1500, al reĝo Emanuelo la 1-a, jam vidvo de ŝia plejaĝa fratino nome Isabel de Aragono kaj Kastilio ekde 1498, pluigante tiele la politikon de sinsekvaj geedziĝoj inter la reĝaj familioj kaj portugala kaj kastilia-aragona, cele unuigi la regnojn de la tiama Hispanio sub ununura krono nome Portugalion, Aragonon kaj Kastilion.
Ŝi estis partiano de la imperia plano emanuela detrui la sanktajn islamajn urbojn de Mekko kaj Medino, konkeri la Imperion de mamelukoj kaj konkeri la sanktajn lokojn por kristanismo, ĉefe Jerusalemon.
En 1508 atingis el la edzo la pardonon pro sia interveno en detruo kaj perforto de pogromo kontraŭ judoj de 1506.
Ŝi naskis dek gefilojn, du el ili estos reĝoj de Portugalio, nome Johano la 3-a kaj Henriko la 1-a.