Bürchen

Bürchen estas komunumo en la distrikto Okcidenta Rarono en Kantono Valezo, Svislando. Ĝi havis 725 loĝantojn je la 31-a de decembro 2012.

Bürchen
Blazono de Bürchen
Blazono de Bürchen
komunumo en Svislando
Kantono	Valezo
Distrikto	Okcidenta Rarono
Koordinatoj	46° 16′ 21″ N 7° 49′ 16″ O (mapo)
Nombro de loĝantoj	725
Areo	13,45 km²
Alteco	1360 m super marnivelo
Poŝtkodo	3935
Komunumkodo	6193
Mapo de Bürchen
Situa mapo de Bürchen

Geografio

La komunumo Bürchen situas en Supra Valezo sur la suda flanko de la valo de Rodano, sude de la distriktĉefurbo Rarono. La komunumo konsistas el la setlejoj Archu, Hochastler, Gärlich, Mauracker kaj Zenhäusern.

La teritorio de la komunumo etendiĝas sur areo de 13,45 km², de kiuj 50,8% estas kovritaj de arbaro, 29,5% servas por agrikulturo kaj 5,3% por setlado.

Najbaraj komunumoj

La komunumo Bürchen limas en nordo al Rarono, en nordnordoriento al Vispo, en oriento al Zeneggen, en sudo al Törbel, kaj en okcidento al Unterbäch.

Trafiko

Bürchen situas flanke de la gravaj trafikvojoj. Tra la komunumo kondukas flanka vojo de Turtmann al Vispo. Pere de la poŝtaŭtolinio de Vispo al Moosalp la komunumo estas konektita al la publika transportreto.

Historio

La unua dokumenta mencio de Bürchen datiĝas el la jaro 1307 kiel ze Birke. Ekde la 11-a jarcento la katedrala kapitolo de Siono posedis interezrajtojn en Bürchen. Dum mezepoko Bürchen apartenis al la vicregejo Rarono, kiu el la 15-a jarcento estis koncedita el la havaĵo de la familio de Rarono al la familio Chevro kaj en la jaro 1538 al la Paroĥo Rarono. Kun Unterbäch, Ausserberg kaj Rarono, Bürchen formis la grandparoĥon Rarono.

Vidu ankaŭ

• Aliaj lokoj kun la nomo Bürchen

Eksteraj ligiloj

• Oficiala retejo de la komunumo Bürchen

•  Vidu ankaŭ en la Vikimedia Komunejo la kategorion Bürchen – (Kolekto de bildoj kaj plurmediaj dosieroj)