Monegrillo

Monegrillo [moneGRIljo] estas municipo de Hispanio, en la okcidenta parto de la komarko Monegros (ĉefe de la Provinco Huesca) sed apartenanta al la orienta parto de la Provinco Zaragozo (regiono Aragono). Ĝi estas unu de ses zaragozaj municipoj, nome de nordo suden Leciñena, Perdiguera, Farlete, Monegrillo, La Almolda kaj Bujaraloz, kiuj post la nova komarkigo aprobita en 1996 estas parto de Monegros.

Monegrillo
Flago	Blazono
Administrado
Poŝtkodo	50164 [+]
En TTT	Oficiala retejo [+]
Demografio
Loĝantaro	393  (2022) [+]
Loĝdenso	2 loĝ./km²
Geografio
Geografia situo	41° 38′ N, 0° 25′ U (mapo)41.6387093-0.4158486 [+]
Alto	437 m [+]
Areo	183,160799 km² (1 831 6.0 799 ha) [+]
Horzono	UTC+01:00 [+]
DEC Situo de Monegrillo
DEC Situo de Monegrillo
Alia projekto
Vikimedia Komunejo Monegrillo [+]

La loknomo Monegrillo estas diminutivo de la komarkonomo Monegros, siavice devena de "nigraj montoj".

Geografio

Ĝia municipa teritorio estas en la okcidenta parto de la komarko Monegros, sude de tiu de Lanaja, kaj oriente de Farlete.

La loĝloko Monegrillo (437 msm) estas iom norde de la paga aŭtoŝoseo AP-2 kaj nacia ŝoseo N-2 kiu komunikas inter Candasnos oriente kaj Zaragoza nordokcidente. La regiona ŝoseo A-1104 ebligas la komunikadon kun Farlete (nordokcidente) kaj La Almolda (sudoriente).

Historio

La areo estis loĝata de araboj kiuj lasis reton de irigacio. En la 12-a jarcento ĝi estis konkerita de kristanoj por la Regno Aragono. Multaj loĝlokoj de la areo perdis loĝantaron laŭlonge de la 20-a jarcento pro rura elmigrado, kaj same ĉe Monegrillo kie oni malaltiĝis ĝis nunaj 393 loĝantoj.

Ekonomio

La loka ekonomio evoluis el la tradiciaj agrikulturo (fruktoĝardeno) kaj brutobredado al turismaj servoj (rura turismo).

Vidindaĵoj

Inter vidindaĵoj elstaras la preĝejo de la 16-a jarcento kaj naturaj lokoj.

Vidu ankaŭ

• Municipoj de la provinco Zaragozo

Bibliografio

• Ubieto Arteta, Antonio (1981-1989). Historia de Aragón. 6 vol. Zaragoza: Anubar.