Nigrakapa fringo

La Nigrakapa fringo aŭ Junana kardelo (Carduelis ambigua) estas specio de birdo de la familio de Fringedoj.

Kiel legi la taksonomion Nigrakapa fringo
Nigrakapa fringo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Fringedoj Fringillidae Genro: Carduelis Specio: 'C. ambigua'
Dunomo
Carduelis ambigua (Oustalet, 1896)
Konserva statuso
Konserva statuso: Malplej zorgiga
Aliaj Vikimediaj projektoj

Ĝi troviĝas en Ĉinio, orienta Barato, Laoso, Birmo, Tajlando kaj Vjetnamio. Ties natura habitato estas montaraj subtropikaj aŭ tropikaj sekaj malfermaj arbaroj kaj arbustaroj.

Aspekto

Temas pri malhela kardelo kun seksa duformismo. La masklo havas nigran kapon, de kio devenas la komuna nomo. La hela dika beko kontrastas kun tiu. La resto de la korpo estas olivecverda kiu nuanciĝas makulece el la brusto al la pli hela olivecflava ventro. La flugiloj kaj vosto estas nigraj kun tre rimarkindaj brilflavaj vostobazo kaj flugilstrioj. La ino estas pli senkolora kun bruna kapo kaj helbrunaj flankoj. La kruroj estas helrozkoloraj.

Kutimoj

Tiu specio manĝas semojn ekzemple de kanabo, sunfloroj, laktukon kaj foje eĉ kelkajn malgrandajn insektojn.

La reprodukta sezono en kaptiveco okazas printempe kaj somere kun mildaj temperaturoj. La averaĝa ovaro estas de 2 / 3 ovoj ĉiusezone.

Origino de verdaj kardeloj

Vidu la artikolon de Dezerta fringo.

Referencoj

• BirdLife International 2004. Carduelis ambigua. 2006 IUCN Ruĝa Listo de Minacataj Specioj. Konsultita la 10an de julio 2007.

Eksteraj ligiloj

• Bildoj ĉe ADW