Orpund

Ĝemelurboj
	Brtnice vd

Orpund
	Blazono de Orpund
	Blazono de Orpund
	Ĉefstrato en la centro de Orpund
	Ĉefstrato en la centro de Orpund
komunumo en Svislando
Ĝemelurboj
	Brtnice vd
Kantono	Berno
Administra distrikto	Bielo
Malnova distrikto ĝis 2009	Nidau
Geografia situo	CH1903: 589968 / 220888 (mapo)47.1388888888897.3063888888889Koordinatoj: 47° 8′ N, 7° 18′ O; CH1903: 589968 / 220888 (mapo)
Nombro de loĝantoj	2671
Areo	3,96 km²
Alteco	483 m super marnivelo
Poŝtkodo	2552
Komunumkodo	0744
	Mapo de Orpund
	Mapo de Orpund
	v • d • r

Orpund estis ĝis la 31-a de decembro 2009 komunumo de la distrikto Nidau kaj ekde la 1-a de januaro 2010 komunumo de la administra distrikto Bielo en Kantono Berno, Svislando. Ĝi havis 2671 loĝantojn je la 31-a de decembro 2010.

Geografio

Orpund situas ĉe la norda bordo de Nidau-Bühren-Kanalo, en kiu estis kunigitaj la riveroj Aro kaj Zihl, oriente de la urbo Bielo, al kies aglomeraĵo ĝi apartenas. Al la komunumo apartenas la vilaĝo Orpund, la iama Monaĥejo Gottstatt kaj la vilaĝeto Zihlwil.^[1]

La teritorio de la komunumo etendiĝas sur areo de 3,96 km², de kiuj 37,4% estas kovritaj de arbaro, 39,1% servas por agrikulturo kaj 20,7% por setlado. ^[2]

Najbara komunumo

La komunumo Orpund limas en nordoriento al Safnern, en sudoriento al Scheuren, en sudo al Schwadernau, en sudokcidento al Brügg, kaj en nordokcidento al Bielo.

Trafiko

Tra la komunumo pasas la kantona ĉefvojo n-ro 235.1 de Bielo al Büren ĉe Aro. Nordokcidente de la komunumo troviĝas la vojnodo de la svisa aŭtovojo A5 kun la svisa aŭtovojo A16 kaj la nuntempe konstruata konekto al la svisa aŭtovojo A6. Al la publika transportreto la komunumo estas konektita per la loka buslinio n-ro 72 de la stacidomo de Bielo al Meinisberg.

Historio

La unua dokumenta mencio de Orpund datiĝas el la jaro 1255 kiel Orpunt. Dum la konstruado de Nidau-Bühren-Kanalo estis trovitaj diversaj objektoj el la bronzepoko kaj la La-Tène-epoko. Dum mezepoko Orpund apartenis al la Grafoj de Nidau, kiuj ĝin transdonis al sia Monaĥejo Gottstatt konservante la jurisdikcion. En la jaro 1398 Orpund fariĝis kun la tuta grafejo havaĵo de la urbo Berno. Ĝis la Helveta Revolucio de 1798 Orpund apartenis al la Voktejo Nidau. Dum la tempo de la Helveta Respubliko ĝis 1803 ĝi apartenis al la distrikto Büren. En 1803 ĝi estis atribuita al la distrikto Nidau kaj fariĝis en la jaro 2010 parto de la administra distrikto Bielo.^[3]