Ostrov (distrikto Ústí nad Orlicí)

Por aliaj signifoj, bv. rigardi la apartigilan paĝon: Ostrov

Vilaĝo Ostrov situas en Ĉeĥio, regiono Pardubice, distrikto Ústí nad Orlicí, 6 km nordokcidente de la urbo Lanškroun, en longo kvar kilometrojn en valo de Ostrovský rivereto, apud la ŝoseo n-ro 313 inter Lanškroun kaj Letohrad. Vivas ĉi tie 713 loĝantoj (2024).

Ostrov
germane Michelsdorf
municipo
Preĝejo de sankta Nikolao
Flago Blazono
Oficiala nomo: Ostrov
Ŝtato	Ĉeĥio
Regiono	Regiono Pardubice
Distrikto	Distrikto Ústí nad Orlicí
Administra municipo	Lanškroun
Historia regiono	Bohemio
Montaro	Suborlica montetaro
Situo	Ostrov
- alteco	396 m s. m.
- koordinatoj	49° 55′ 55″ N 16° 32′ 12″ O (mapo)
Katastro	18,49 km² (1 849 ha) Ostrov u Lanškrouna
Loĝantaro	713 (2024)
Denseco	38,56 loĝ./km²
Unua skribmencio	1292
Horzono	MET (UTC+1)
- somera tempo	MET (UTC+2)
Poŝtkodo	561 22
NUTS 3	CZ053
NUTS 4	CZ0534
NUTS 5	CZ0534 580732
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Ostrov (Ústí nad Orlicí District)
Retpaĝo: www.obecostrov.cz
Portalo pri Ĉeĥio

La najbaraj municipoj de la setlejo estas Rudoltice, Dolní Dobrouč, Dolní Čermná, Horní Třešňovec, Lanškroun kaj Česká Třebová.

Historio

La vilaĝo estas unue skribe rememorata sub nomo villa Michaelis en la unua dota akto de la reĝo Venceslao la 2-a en la jaro 1292, per kiu li donacis sinjorejon Lanšperk al de li fondita nova monaĥejo en Zbraslav. La dua historia mencio pri la vilaĝo, nomata germane Michelsdorf, estas el la jaro 1304 en la dua dota akto de la reĝo. Videblas, ke malgraŭ sia proksimeco al Lanškroun, apartenis Ostrov de sia ekesto al la sinjorejo Lanšperk. Kaj plano de tiu huba vilaĝo, kaj ĝia origine germana nomo, derivita verŝajne de nomo de la fondinto, atestas, ke ĝi estis fondita de germanaj koloniistoj. Ĉeĥa nomo Vostrev estas unue uzita en la jaro 1417 en urba libro de Česká Třebová.

Resto de kruco apud la ŝoseo

Historiaj aktoj atestas, ke jam en la jaro 1362 en Ostrov estis hereda vilaĝestrejo kaj en 1349 paroĥejo. Antaŭ la tridekjara milito estis la vilaĝo, same kiel la tuta ĉirkaŭaĵo, evangeliana. Sed post la milito nova posedanto de la sinjorejo ĉiujn evangelianaj klerikoj forpelis kaj devigis la subulojn rekatoliĝi.

Loĝantoj de Ostrov vivtenis sin preskaŭ senescepte per terkultivado. En la 19-a jarcento multaj homoj kolektis harojn por produktado de perukoj.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	1 589
1880	1 453
1890	1 419
1900	1 321
1910	1 335
1921	1 137

Jaro	Loĝantoj
1930	1 087
1950	625
1961	585
1970	561
1980	598
1991	584

Jaro	Loĝantoj
2001	578
2014	667
2016	687
2017	684
2018	682
2019	684

Jaro	Loĝantoj
2020	692
2021	632
2022	699
2023	741
2024	713

Memorindaĵoj

Preĝejo

Baroka preĝejo de Sankta Nikolao estis konstruita en la jaro 1773 sur la loko de forbruligita kirko el 1685. Ĝi estas ununava kun kvadrata presbiterejo kaj sakristio sur dekstra flanko. La prisma turo, alkonstruita iom malfrue, troviĝas antaŭ la okcidenta fronto. Ĝi estas membrigita per zonoj en stuko. La ĉefportalo estas oblonga kun trilatera supraporto portata per volutaj kantilevroj. Interno estas plafonita per krucaj volboj, la vandoj estas membrigitaj per pilastroj, la fenestroj estas oblongaj volbitaj per segmentoj.

La ĉefaltaro estas novtempa el la jaro 1886 de P. Musil, kun statuoj de du episkopoj el la dua duono de 18-a jarcento. La flanka altaro de Sankta Johano Nepomuka, ankaŭ novtempa, kun statuoj de du anĝeloj el la dua duono de 18-a jarcento. La predikejo estas figure ornamita, la baptujo portas reliefon de Bapto de Kristo el la duono de 19-a jarcento. La kalvaria vojo estis repentrita en la jaro 1857.

Fiŝlago proksime de Kaštánek

Malnova vilaĝestrejo

Estinta vilaĝestrejo estas vasta duetaĝa empira konstruaĵo kun mansarda tegmento, rekonstruita en la jaro 1877. Fasado estas membrigita per toskanaj pilastroj, meze estas ortangula portalo kadrita per toskanaj duonkolonoj.

Bibliografio

• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Pluaj fotoj

• 
  Ostrov u Lanškrouna - domo n-ro 241
• 
  Ostrov u Lanškrouna - domo n-ro 204
• 
  Ostrov u Lanškrouna - domo n-ro 101
• 
  Ostrov u Lanškrouna