Otradov

Municipo Otradov situas en Ĉeĥio, regiono Pardubice, distrikto Chrudim, en submontara teritorio de Bohemiamoravia montetaro, en valo de rivereto Krounka, 12 km nordoriente de la urbo Hlinsko kaj 8 km sudoriente de la urbo Skuteč, ĉe la ŝoseo n-ro 354 inter Předhradí kaj Krouna. Vivas ĉi tie 284 loĝantoj (2024).

Otradov
municipo
Domoj en Otradov
Flago Blazono
Oficiala nomo: Otradov
Ŝtato	Ĉeĥio
Regiono	Regiono Pardubice
Distrikto	Distrikto Chrudim
Administra municipo	Hlinsko
Historia regiono	Bohemio
Montaro	Fera montaro
Situo	Otradov
- alteco	502 m s. m.
- koordinatoj	49° 47′ 36″ N 16° 02′ 37″ O (mapo)
Katastro	5,54 km² (554 ha) Otradov
Loĝantaro	284 (2024)
Denseco	51,26 loĝ./km²
Unua skribmencio	1349
Horzono	MET (UTC+1)
- somera tempo	MET (UTC+2)
Poŝtkodo	539 43
NUTS 3	CZ053
NUTS 4	CZ0531
NUTS 5	CZ0531 554952
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Otradov
Retpaĝo: www.otradov.cz
Portalo pri Ĉeĥio

La najbaraj municipoj de la setlejo estas Proseč, Skuteč kaj Krouna.

Historio

La vilaĝo ekestis en la jaro 1350, jam en la jaro 1349 estis sur monteto ĉe norda rando de la vilaĝo konstruita ligna preĝejo de Sankta Bartolomeo. Ĝi estis post forbruligo en la 15-a jarcento nove konstruita, en duono de la 16-a jarcento estis alkonstruita turo. Ĉirkaŭ la preĝejo ekestis tombejo. Ĝis la jaro 1995 Otradov apartenis al la vilaĝo Krouna. Nun ĝi estas memstara komunumo.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	599
1880	570
1890	535
1900	535
1910	553
1921	558

Jaro	Loĝantoj
1930	538
1950	405
1961	427
1970	392
1980	368
1991	317

Jaro	Loĝantoj
2001	322
2011	282
2014	285
2016	274
2017	267
2018	272

Jaro	Loĝantoj
2019	272
2020	271
2021	276
2022	281
2023	278
2024	284

Nuntempo

Troviĝas ĉi tie lignaĵproduktejo kun segejo, kiu fabrikas lignajn bozonaĵojn por hejma mastrumado.

Plejparto de la loĝantoj estas okupata en Hlinsko kaj Skuteč, kien ili veturadas per busoj kaj fervojo. En lernejon al Krouná la infanoj veturas buse.

Municipo Otradov ĉiujare organizas konkursojn en fajrobrigada sporto.

Memorindaĵoj

Preĝejo

La preĝejo estas ununava kun kvinlatere fermita presbiterejo kun apogpilieroj, kun oblonga sakristio sur norda flanko kaj prisma turo sur suda flanko de la navo. Fenestroj en presbiterejo kaj sakristio estas pintarkaj. La presbiterejo estas kruce volbita, en norda muro estas sankta ŝranko kaj malfrugotika portaleto en sakristion. Triumfa arko estas milde pintarka, neprofilita. La navo havas platan plafonon, en subturejo estas traba plafono. Sur orienta muro konserviĝis partoj de surmuraj pentraĵoj el la jaro 1629. En la navon gvidas malfrugotika milde pintarka portalo kun malprofunde profilita embrazuro.

La portala ĉefaltaro ekestis post la jaro 1700, riparita estis en la jaro 1897. Tabernaklo estas el la jaro 1750, bildo de Sankta Bartolomeo el la jaro 1757. La predikejo kun statuoj de ekleziaj Patroj estas el la fino de 18-a jarcento, la konfesejo el la fino de 18-a jarcento, popoldevena.

Sur suda flanko de la tombeja muro estas baroka pordeto kun voluta frontono el la jaroj 1780 - 1790

Fera kruco

Fera kruco sur ŝtona soklo el la jaro 1861 situas en ĝardeno de estinta vilaĝestrejo.

Muelejo

Muelejo, nomata de Blažek, estas teretaĝa ĉarpentita konstruaĵo el la jaro 1800. Proksime de ĝi estas ligna garbejo.

Bibliografio

• Marek Podhorský: Pardubický kraj. Eldonis freytag & berndt, eldonejo en Prago en j. 2004.

Eksteraj ligiloj

• Oficialaj paĝoj de la vilaĝo ĉeĥe
• Paĝaro de mikroregiono Hlinsko Arkivigite je 2010-10-03 per la retarkivo Wayback Machine ĉeĥe
• Mapo