Chavannes-de-Bogis
Chavannes-de-Bogis estas komunumo en la distrikto Nyon en Kantono Vaŭdo, Svislando. Ĝi havis 1005 loĝantojn je la 31-a de decembro 2012.
| Chavannes-de-Bogis | |
|---|---|
 | |
| Blazono de Chavannes-de-Bogis | |
| komunumo en Svislando | |
| Kantono | Vaŭdo |
| Distrikto | Nyon |
| Koordinatoj | 46° 20′ 26″ N 6° 9′ 44″ O / 46.34056 °N, 6.16222 °O (mapo)Koordinatoj: 46° 20′ 26″ N 6° 9′ 44″ O / 46.34056 °N, 6.16222 °O (mapo) |
|
| |
| Areo | 2,85 km² |
| Alteco | 479 m super marnivelo |
| Poŝtkodo | 1279 |
| Komunumkodo | 5707 |
 | |
| Situa mapo de Chavannes-de-Bogis | |
Geografio
redaktiLa komunumo Chavannes-de-Bogis situas sur la monteta dorso inter la valo de la rivero Versoix en nordo kaj la Lago Lemano en sudo en okcidento de Kantono Vaŭdo apud la landlimo kun Francio en distanco de proksimume 7 kilometroj sudokcidcente de la distriktĉefurbo Nyon kaj de proksimume 15 kilometroj norde de Ĝenevo. La komunumo konsistas el la vilaĝo Chavannes-de-Bogis kaj la vilaĝeto Péguey.[1]
La teritorio de la komunumo etendiĝas sur areo de 2,85 km², de kiuj 8,7% estas kovritaj de arbaro, 58,2% servas por agrikulturo kaj 24,0% por setlado. [2]
Najbaraj komunumoj
redaktiLa komunumo Chavannes-de-Bogis limas en nordoriento al Bogis-Bossey, en oriento al eksklavo de la Céligny (GE), en sudoriento al Founex, en sudo al Commugny, kaj en okcidento kaj nordokcidento al la franca komunumo Divenne-les-Bains (Rodano-Alpoj).
Trafiko
redaktiTra Chavannes-de-Bogis pasas la kantona ĉefvojo n-ro 121 de Versoix al Divonne-les-Bains en Francio kaj en sudo la svisa aŭtovojo A1, kies alveturejo Coppet situas sur la komunuma teritorio. Pere de la poŝtaŭtolinio de Nyon al Coppet la komunumo estas konektita al la publika transportreto.
Historio
redaktiLa unua dokumenta mencio de Chavannes-de-Bogis datiĝas el la jaro 1477 kiel Cabane de Bogiez. Chavannes-de-Bogis estiĝis en la 13-a jarcento en senarbarejo, kiun atribuis la monaĥoj de Bonmont al samlandaj kamparaj feŭduloj. La Abatejo Bonmont kune kun la Senjoroj de Gex en Chavannes-de-Bogis posedis la jurisdikcion kaj enkasigis la impostojn pere de sia subvokto de La Rippe. Sub la berna regado de 1536 ĝis la Helveta Revolucio de 1798 Chavannes apartenis al la Voktejo Bonmont kaj estis administrita de sespersona konsilio. Post la Helveta Revolucio ĝi estis atribuita al la Distrikto Nyon.[3]
Vidu ankaŭ
redakti- Aliaj lokoj kun la nomo Chavannes
Notoj kaj referencoj
redakti- ↑ Fonto: Reta mapo 1:20000 de Swisstopo Arkivigite je 2013-11-11 per la retarkivo Wayback Machine
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Germain Hausmann: Chavannes-de-Bogis en Historia Leksikono de Svislando (2005-02-22)
Eksteraj ligiloj
redakti- Oficiala retejo de la komunumo Chavannes-de-Bogis Arkivigite je 2013-10-21 per la retarkivo Wayback Machine
- Vidu ankaŭ en la Vikimedia Komunejo la kategorion Chavannes-de-Bogis – (Kolekto de bildoj kaj plurmediaj dosieroj)