Peseux NE
|
- La mallongigo NE en Peseux NE staras por la svisa Kantono Neŭŝatelo. Por aliaj signifoj de la nomo vidu sub Peseux.. |
Peseux estas komunumo en la distrikto Boudry en Kantono Neŭŝatelo, Svislando. Ĝi havis 5719 loĝantojn je la 31-a de decembro 2010.
| Peseux | |
|---|---|
 | |
| Blazono de Peseux | |
 | |
| Peseux | |
| former municipality of Switzerland • komunumoparto en Germanio | |
| Kantono | Neŭŝatelo |
| Distrikto | Boudry |
| Koordinatoj | 46° 59′ 15″ N 6° 53′ 20″ O / 46.98750 °N, 6.88889 °O (mapo)Koordinatoj: 46° 59′ 15″ N 6° 53′ 20″ O / 46.98750 °N, 6.88889 °O (mapo) |
| Nombro de loĝantoj | 5719 |
| Areo | 3,43 km² |
| Alteco | 543 m super marnivelo |
| Poŝtkodo | 2034 |
| Komunumkodo | 6412 |
 | |
| Mapo de Peseux | |
Geografio redakti
Peseux situas sur terena teraso ĉe la suda deklivo de la Neŭŝatela Ĵuraso rekte okicdente de la kantonĉefurbo Neŭŝatelo, proksimume 120 metrojn super la Lago de Neŭŝatelo kun bela vido al ĉi-lasta. La teritorio de la komunumo etendiĝas en nordo ĝis al la ĵurasa kresto, kiu ĝin limigas de la Valo de Ruz. Tie sur la kresto de Serroue sur alteco de 805 m s.m. troviĝas la plej alta punkto de la komunumo. La komunumo komplete kunkreskis kun la kantonĉefurbo, al kies aglomeraĵo ĝi apartenas.
La teritorio de la komunumo etendiĝas sur areo de 3,43 km², de kiuj 70,6% estas kovritaj de arbaro, 2,9% servas por agrikulturo kaj 27,1% por setlado.[1]
Najbaraj komunumoj redakti
La komunumo Peseux limas en nordo al Valangin, en oriento al la kantonĉefurbo Neŭŝatelo, en sudo al Milvignes, en okcidento al Corcelles-Cormondrèche, kaj en nordokcidento al Val-de-Ruz.
Trafiko redakti
Tra Peseux pasas la kantona ĉefvojo n-ro 10 de Neŭŝatelo al Pontarlier. La plej proksima alveturejo al la svisa aŭtovojo A20 troviĝas 2 kilometrojn oriente en Neŭŝatelo proksime al ties vojnodo kun la svisa aŭtovojo A5. La komunumo disponas pri stacidomo ĉe la trajnlinio de Svisaj Federaciaj Fervojoj de Neŭŝatelo al La Chaux-de-Fonds. Tra la komunumo pasas ankaŭ la aŭtobuslinio de Neŭŝatelo al Le Locle kaj krome la komunumo estas konektita al la trolejbusreto de la urbo Neŭŝatelo.
Historio redakti
La unua dokumenta mencio de Peseux datiĝas el la jaro 1195 kiel Pusoz.[2] En la jaro 1357 la vilaĝa kooperativo de Peseux ricevis de la Grafo Ludoviko de Neŭŝatelo gravajn privilegiojn pri la najbara arbaro, kiuj fariĝis la bazo de la bonfarto de la komunumo. En baloto de la jaro 2007 la loĝantaro de Peseux malakceptis kunigon de la komunumo kun la najbara komunumo Corcelles-Cormondrèche.[3]
Vidu ankaŭ redakti
- Aliaj lokoj kun la nomo Peseux
- Corcelles-Peseux (stacidomo)
- Les Deurres (stacidomo)
Notoj kaj referencoj redakti
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Paĝo pri la historio de Peseux en la retejo de la komunumo Arkivigite je 2012-02-05 per la retarkivo Wayback Machine
- ↑ Fonto: Germain Hausmann: Peseux en Historia Leksikono de Svislando (2010-09-27)
Eksteraj ligiloj redakti
- Oficiala retejo de la komunumo Peseux
- Peseux NE en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Peseux – (Kolekto de bildoj kaj plurmediaj dosieroj)