Preĝejo de Sankta Romano (Toledo)

La Preĝejo de Sankta Romano (Toledo, Hispanio) estis konstruita en la 13-a jarcento de stilo mozaraba mudeĥaro, kaj nune estas hejmo de la 'Muzeo de la Koncilioj kaj de la Kulturo de Visigotoj', kun pentraĵoj romanikaj de la 13-a jarcento kaj grava kolekto, kun kaj originaloj kaj kopioj, de visigota juvelarto, kun aliaj arkeologiaj restoj datataj inter la 6-a kaj la 8-a jarcento.

Preĝejo de Sankta Romano
kristana preĝejo [+]
Koordinatoj	39° 51′ 30″ N, 4° 1′ 37″ U (mapo)39.85833333-4.02694444
Preĝejo de Sankta Romano (Kastilio-Manĉo) DEC Preĝejo de Sankta Romano
Preĝejo de Sankta Romano
Vikimedia Komunejo:  Church of Saint Roman (Toledo) [+]

Mudeĥara turo de la Preĝejo de Sankta Romano.

Historio

Ĝi estis konstruita sur la loko kie iam estis moskeo, kaj antaŭe visigota baziliko kaj eble antaŭe romia konstruaĵo.

Estis komencaj aludoj pri la paroĥo jam en la 12-a jarcento kaj la preĝejo ekfunkciis en 1221 fare de la arkiepiskopo Rodrigo Jiménez de Rada. La tradicio asertas, ke en ĝi kroniĝis reĝo Alfonso la 8-a de Kastilio la 26-an de aŭgusto de 1166.

Priskribo

La preĝejo havas tri navojn, separitaj per hufoferaj arkoj kun alfiz (markoj) kiuj apogiĝas sur pilastroj kun visigotaj kaj romiaj kolonoj apuditaj kun kapiteloj reuzataj, de visigota deveno kelkakaze, distinge pro siaj korintiaj folioj.

Laŭlonge de la 13-a jarcento oni konstruis novan absidon kaj fortan turon (de stilo mudeĥara toleda, kun du superaj partoj kiel duobla sonorilturo, modelo por aliaj toledaj turoj); krome oni realigis murpentraĵojn je fresko en stilo romaniko kun figuroj kombinitaj kun ornamo tipe mudeĥara, konsideritaj la plej sudaj en Hispanio. La freskoj estas dividitaj en du areoj separataj de enskribaĵoj kie elstaras la kvar flugilevangeliistoj kaj reprezentoj de arkiepiskopoj, la sanktuloj Stefano kaj Laŭrenco, anĝeloj aŭ la Lasta juĝo.

En la 16-a jarcento, Alonso de Covarrubias dezajnis la absidon kun kupolo platereska de kasonoj en la ĉefkapelo; kaj oni kaŝis poste la pentraĵojn, pro kio oni perdis ilian konon ĝis la unua triono de la 20-a jarcento kiam oni remalkovris ilin. Je la 1940-aj jaroj ili estis rekuperitaj plej eble.

La Visigota Muzeo

La muzeo enhavas arkeologiajn kolektojn de restoj el la 6-a, 7-a kaj 8-a jarcentoj, do la epoko de visigotoj en Hispanio. Estas ankaŭ kopioj de la oraj oferkronoj de la Trezoro de Guarrazar. Ĝi dependas el la Ministerio de Kulturo kaj estas vizitebla senpage.

Bildogalerio

• 
  Interno, ĉefkapelo.
• 
  Interno, mala vido.
• 
  Skulptaĵo de Garcilaso de la Vega, toleda poetoj en apuda placeto.
• 
  La adoro fare de la tri ŝaĝuloj el romia sarkofago en la muzeo.
• 
  Mudeĥara fenestro el interno de la sonorilturo.
• 
  Kurioza fenestro tra kie rigardas anĝelo kun arablingva marko kie aperas konstante la vorto Alla, dio, kurioze en kristana preĝejo.
• 
  Ornama detalo de la turo.

Eksteraj ligiloj

• Iglesia de San Román. En Turismo de Castilla-La Mancha. Konsultita 18-an de junio de 2011.
• Museo de los concilios y de la cultura visigoda oficiala retejo
• Museo de los concilios en Arteguías.
• TOLEDO MOZÁRABE. Arkivigite je 2013-12-26 per la retarkivo Wayback Machine Analiza studo pri la romanikaj pentraĵo, fare de Círculo Románico.