Rajmundo Laval
Rajmundo Laval, konata pseŭdonime kiel Valo, (Aleso, 1900 - Avignon, la 18-an de marto 1996) estis franca verkisto, tradukisto, desegnisto kaj esperantisto.
| Rajmundo Laval | |
|---|---|
| Persona informo | |
| Aliaj nomoj | Valo |
| Naskiĝo | 1-an de januaro 1900 en Alès |
| Morto | 18-an de marto 1996 (96-jaraĝa) en Avignon |
| Lingvoj | Esperanto • franca |
| Ŝtataneco | Francio |
| Okupo | |
| Okupo | esperantisto • verkisto • ilustristo |
Lerninte la lingvon ekde 1912, li estis ano de la kabareta rondo de Raymond Schwartz, kies verkojn kaj revuon La Pirato li ilustris. Li funkciis kiel kasisto de la Pariz-Regiona Federacio de la landa asocio SFPE en la 20-aj jaroj, fondis grupon en Joinville-Champigny (1923) kaj kunfondis E-grupon en Pau (1946). En 1934 li aliĝis al Sennacieca Asocio Tutmonda kaj korespondis kun Lanti.
Post emeritiĝo, li dediĉis sin al tradukado kaj verkado: sekretario de la Literatura Komitato de SAT ekde 1961, kunrevizianto de la lernolibro Cours Rationnel (1973), li aperigis ekde 1975 ĉe la Broŝurservo de SAT 22 titolojn, i.a. verkojn de Lamarck, Paskalo, Han Riner, Kropotkin (kuntraduko), La poemo de Rodano de Frederic Mistral (el la provenca), aŭtobiografion en kvar volumetoj, kaj laste kolekton de studoj kaj artikoloj, Vortoj de Valo (1995). Ĉi tiun eniris i.a. liaj kontribuoj al la revuo Laŭte!, en kiu li havis konstantan rubrikon, Vortoj de maljunulo, de 1982 ĝis sia lasta vivmonato.
Verkoj redakti
Originaloj redakti
Eseoj redakti
- Esperanto kaj literaturo
- Vortoj de Valo
Membiografiaj redakti
- El la kara infaneco
- Kontraŭflue
- Migrante tra metioj
- Sepdek jaroj sub la verda stelo
Franclingvaj pedagogiaj broŝuroj redakti
- Les seize règles de l'Espéranto
Tradukoj redakti
- La poemo de Rodano de Frederic Mistral (el la provenca)
- Ekstraktoj el Pensoj de Blazio Paskalo
- Ekstraktoj el Filozofio zoologia de Johan-Baptisto Lamarko
- Legendo pri la bela Pekopeno kaj la bona Boldura de Victor Hugo
- Interhelpo de Petro Kropotkin (kun J. LEPEIX)
- La inĝenia hidalgo Miguel Cervantes de Han Ryner
- La kvina evangelio de Han Ryner
Rete legeblaj artikoloj redakti
- Pri esperantigo de propraj nomoj, el Sennacieca Revuo, 1952
- Pri Valo[rompita ligilo], artikolo de Jean Amouroux por "Sudfrancia Stelo", bulteno de la Langvedoka-rusiljona E-Federacio, n-ro 136 (1996).