Avignon

Avinjono
	Panoramo de Avinjono
Flago	Blazono
Administrado
Statuso	Urbo
Lando	Francio
Regiono	Provenco-Alpoj-Bordo Lazura
Departemento	Vaucluse (prefektejo)
Arondismento	Avignon (ĉefurbo)
Kantono	Ĉefurbo de 4 kantonoj
INSEE kodo	84007 [+]
Poŝtkodo	84000
Kodo laŭ INSEE	84007
Retpaĝaro	http://www.mairie-avignon.fr/
Politiko
Urbestro	S-ino Cécile Helle (PS); 2020-2026
Demografio
Loĝantaro	91 143 (2019) [+]
Loĝdenso	1 404 loĝ./km²
Geografio
Geografia situo	43° 57′ N, 4° 48′ O (mapo)43.9486111111114.8083333333333Koordinatoj: 43° 57′ N, 4° 48′ O (mapo)
Alto	De 10 al 122 m
Areo	64,78 km²
Horzono	UTC +1 (+2 somere)
	Situo de Avinjono
Alia projekto
	Vikimedia Komunejo Avignon [+]
	v • d • r

Avignon (aŭ esperante Avinjono, provence Avignoun aŭ Avinhon) estas urba komunumo en suda Francujo, plej granda urbo kaj prefektejo de la departemento Vaucluse (franca elparolo: [voklyz], okcitane Vauclusa), en la regiono Provenco-Alpoj-Bordo Lazura (france Provence-Alpes-Côte d'Azur, prononcata pʁɔ.vɑ̃s alp kot da.zyʁ, okcitane Provença-Aups-Còsta d'Azur). Ĝi situas maldekstre de la Rodano. En Mezepoko, inter 1309 kaj 1423, ĝi estis rezidejo de ses papoj, kaj pro tio oni ankaŭ nomas ĝin "Urbo de la papoj". La historia parto, kun famaj Papa Palaco kaj Ponto de Avinjono, estas monda heredaĵo de Unesko. Staras mezepoka defenda murego bone konservita. La urbo ankaŭ internacie famas pro ĝia grandega teatra festivalo. Fine de 2019 en la komunumo vivis 91 143 loĝantoj.

GeografioRedakti

Avignon, malantaŭ la Rodano.

Avignon situas je la trafo de la riveroj Rodano kaj Durance. Ili estas landlimoj kun la departemento Gard maldekstre kaj Bouches-du-Rhône sude.

La urbo troviĝas proksime de Orange (norde), Nîmes (sudokcidente), Arles (sude) kaj Salon-de-Provence (sudoriente). Avignon estas en la regiono de la mediteranea klimato, seka kaj varma. Forta kaj malvarma denordokcidenta vento, la mistralo, ofte blovas.

BildaroRedakti

Esperanto-movadoRedakti

La Esperanto-Grupo de Avinjono estis fondita la 12-an de julio 1951^[1], ĝia nomo estas Cercle culturel d'esperanto (retpaĝaro: [1]). Ĝi kutimas organizi la ĉiujaran zamenhofan feston kun teatraĵoj, kunigante esperantistojn el la regiono.

Estas gastiganto de Pasporta Servo tie.

Okaze de la eŭropaj balotoj, Eŭropo - Demokratio - Esperanto ricevis 57 voĉdonojn (0,27% de voĉoj) en 2004, kaj 40 voĉdonojn (0,19% de voĉoj) en 2009.