Romaine Brooks
Romaine BROOKS (n. la 1-an de majo 1874 - m. la 7-an de decembro 1970), aŭ denaske Beatrice Romaine GODDARD, estis usona pentristino kaj portretistino, kiu ĉefe uzis grizajn farbojn en siaj verkoj. Ŝi malagnoskis tiamajn artmovadojn kiel kubismo aŭ faŭvismo, kaj estis plivole inspirita de la simbolista kaj estetikista movadoj de la 19-a jarcento, precipe de la verkoj de James McNeill Whistler. Ŝiaj pozistoj, el anonimuloj al bonfamaj aristokratoj, estis tre diversaj. Sed ŝi estas precipe konata pro siaj bildigoj de kvazaŭe senseksaj, virdresitaj virinoj, inkluzive de sia memportreto de 1923, kiu restis ŝia plej multe kopiita verko.
| Romaine Brooks | |
|---|---|
| |
| Persona informo | |
| Naskonomo | Beatrice Romaine Goddard |
| Aliaj nomoj | Goddard, Beatrice Romaine • Goddard, Romaine • Brooks, Mrs. John Ellingham |
| Naskiĝo | 1-an de majo 1874 en Romo |
| Morto | 7-an de decembro 1970 (96-jaraĝa) en Nico |
| Tombo | Russian Orthodox Cemetery in Nice |
| Lingvoj | angla |
| Ŝtataneco | Italio • Usono • Reĝlando Italio |
| Alma mater | Académie Colarossi • Doane Academy |
| Familio | |
| Patro | Maj. Henry Seaman Goddard |
| Patrino | Ella Waterman |
| Edz(in)o | John Ellingham Brooks |
| Amkunulo | Ida Rubinstein • Natalie Clifford Barney |
| Okupo | |
| Okupo | pentristo • skulptisto • konstrua desegnisto • artisto |
| Verkoj | Portrait of Natalie Clifford Barney Madame Gaston Legrand au champ de courses |
Riĉeco ebligis, ke ŝi mem elektu siajn pozistojn, kaj ŝi ofte portretis amikojn, ekzemple la itala verkisto Gabriele d'Annunzio, la rusa dancistino Ida Rubinstein aŭ sia longdaŭra amantino Natalie Clifford Barney. Kvankam ŝi vivis ĝis la jaro 1970, nur tre malmulte pentris ŝi post 1925.
Eksteraj ligiloj redakti
- Romaine Brooks ĉe Smithsonian American Art Museum Arkivigite je 2007-11-23 per la retarkivo Wayback Machine
- Bildgalerio de verkoj Arkivigite je 2006-08-13 per la retarkivo Wayback Machine