Sitapur
Sitapur, hindie सीतापुर, urdue سیتاپور estas urbego en norda Barato, en meza parto de subŝtato Utar-Pradeŝo, en kantono de Laknaŭo, en la samnoma distrikto, kies sidejo ĝi estas. La loknomo estis nomita pri Sito (Ramajano).
| Sitapur | |||
|---|---|---|---|
 | |||
| urbo municipal board (en)   vd
| |||
| Administrado | |||
| Poŝtkodo | 261001 | ||
| Demografio | |||
| Geografio | |||
| Geografia situo | 27° 34′ N, 80° 41′ O (mapo)27.56666666666780.683333333333Koordinatoj: 27° 34′ N, 80° 41′ O (mapo) [+] | ||
| Alto | 137 m [+] | ||
| Areo | 35 km² (3 500 ha) [+] | ||
| Horzono | UTC+05:30 [+] | ||
| |||
| |||
|
| |||
| Alia projekto | |||
 Vikimedia Komunejo Sitapur [+]
| |||
Demografio
redaktiEn 2011 Sitapur havis 177 234 da loĝantoj. La legopovo estis 68% en 2001.
Geografio
redaktiSitapur situas sur ebenaĵo ĉe rivero sur averaĝa alteco de 138 m. super la marnivelo. Lakhimpur troviĝas 45, Hardoj 56, subŝtata ĉefurbo Laknaŭo 83, Ŝahĝahanpur kaj Barabanki po 85, Bahrajĉ 91, Unnao 114, Kanpur 124, Agra 265, tutlanda ĉefurbo Delhio 360, Kolkata 952, Mumbajo 1247 kilometrojn (aere) [1].
Historio
redaktiLa areo de Sitapur jam dum la frua mezepoko havis templojn kun sanktemaj homoj. La islama periodo ŝanĝiĝis al brita epoko en 1856. Sitapur aperis kiel distrikta sidejo en la sekva jaro. La britoj havis tie garnizonon, ili restis en la urbo ĝis 1947.
Ekonomio
redaktiEn la 17-a kaj 18-a jarcentoj Sitapur estis fama pro la teksa industrio. La Brita Orienthinda Kompanio komencis eksporti vestaĵojn faritajn en la ĉirkaŭaĵo. Alia areo estis fama pro ceramikaĵoj. Nuntempe la urbego ne estas grava el industria vidpunkto. Ekzistas 5 sukermuelejoj, riz- kaj grenmuelejoj. Oni prilaboras kotonojn kaj produktas lanajn tapiŝojn. En Sitapur granda okulhospitalo funkcias.
Lingvoj
redaktiEn Sitapur la oficialaj lingvoj estas la hindia kaj urdua.
Religio
redaktiEn Sitapur la plej ofta religio estas la hinduismo kaj islamo.
Trafiko
redaktiSitapur havas du stacidomojn kaj 5 rektajn fervojajn liniojn al Lakhimpur, Ŝahĝahanpur, Gonda, Laknaŭo kaj Unnao. Escepte unu ankaŭ la ĉefvojoj kuras al tiuj urbegoj, krome ekzistas sola flankovojo. La plej proksima flughaveno estas atingebla en Laknaŭo.
Klimato
redaktiEn Sitapur la temperaturo varias inter 19-31 °C. En la plena jaro pluvas resume averaĝe 1018 mm, plej ofte pro la musonoj inter junio-septembro. Inter novembr-aprilo apenaŭ pluvas.
Vidindaĵoj
redakti- pluraj preĝejoj
Fontoj
redakti- WikiTrans
