Tenaserima pino
La tenaserima pino (Pinus latteri), estas pinospecio indiĝena en Kontinenta Sudorientazio. Ĝi vegetas en la montaroj de sudorienta Birmo, norda Tajujo, Laoso, Kamboĝo, Vjetnamujo, kaj en la ĉina insulo de Hajnano. Ĝi ĝenerale troviĝas ĉe moderaj altitudoj, plejofte ekde 400–1000 m, sed okaze tiom malalte kiom 100 m kaj ĝis 1200 m.
 | ||||||||||||||
|---|---|---|---|---|---|---|---|---|---|---|---|---|---|---|
 Tenaserima pino, Aungban, orienta Birmo, 20°39'40"N 96°35'16"E, 1400 m
| ||||||||||||||
| Biologia klasado | ||||||||||||||
| ||||||||||||||
| Pinus latteri Mason[1] | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La arbo estas nomata laŭ Tenaserim-Montaro inter Birmo kaj Tajujo. La latina-scienca nomo referencas al kapitano Latter, regiona ĉefa forstisto, kiu estus vidinta la arbospecion en ĝia natura medio kiel unua anglo.
Priskribo redakti
La tenaserima pino estas mezgranda al granda arbo, atingante alton de 25–45 m kaj kun trunkdiametro de ĝis 1,5 m. La ŝelo estas oranĝruĝa, dika kaj profunde fendetata ĉe la bazo de la trunko, kaj maldika kaj skvama en la supra krono. La folioj ('pingloj') estas duopaj, modere sveltaj, 15–20 cm longaj kaj iom pli ol 1 mm dikaj, verdaj ĝis flavece verdaj. La strobiloj estas mallarĝe konusformaj, 6–14 cm longaj kaj 4 cm larĝaj ĉe la bazo kiam fermite, verdaj komence, maturiĝante brile ruĝbrunaj. Ili malfermiĝas ĝis larĝo de 6–8 cm, ofte iom da tempo post matureco aŭ sekvante hejtadon per arbaraj brulegoj, por liberigi la semojn. La semoj estas 7–8 mm longaj, kun flugilo de 20–25 mm, kaj estas vente dissemataj.
Taksonomio redakti
La tenaserima pino estas ege parenca al la Merkus-pino (Pinus merkusii), kiu troviĝas pli fore suden en Sudorientazio en Sumatro kaj en Filipinoj; iuj botanikistoj konsideras la du kiel unuspeciajn (sub la nomo P. merkusii, kiu estis unue priskribita).
Sed la Merkus-pino havas pli mallongajn (15–20 cm) kaj pli maldikajn (malpli ol 1 mm dikajn) pinglojn, pli malgrandajn strobilojn kun pli maldikaj skvamoj, la strobiloj malfermiĝas ĉe matureco, kaj la semoj estas nur duone tiom pezaj. Ĝi ankaŭ estas parenca al la grupo de mediteraneaj pinoj inkluzive de la halepa pino kaj la malgrandazia pino, kaj samhavas multajn ecojn kun ili.
Referencoj redakti
- ↑ Journal of the Asiatic Society of Bengal 18(1): 74. 1849
Vidu ankaŭ redakti
Eksteraj ligiloj redakti
- angle Conifer Specialist Group (1998). Pinus latteri. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11 May 2006.
- angle Tenaserima pino (Grin)