The Great Dictator
The Great Dictator (La Granda Diktatoro) estas filmo kiun Charlie Chaplin realigis en 1940. Ĝi satire traktas la faŝismon kaj speciale ĝian germanan varianton, la naziismon. Charlie Chaplin rolas kiel Adenoid Hynkel, karikaturo de Adolf Hitler. Jack Oakie rolas kiel Benzino Napaloni, karikaturo de Benito Mussolini.
_poster.jpg)
Esperantaj ŝildoj en la filmoRedakti
En la filmo oni povas vidi sur ŝildoj en la juda kvartalo esperantajn vortojn. Multaj el ili estas ŝanĝitaj por igi ilin aspekti pli polecaj aŭ pli germanecaj.
- Piedvestejok: Botisto
- Barber: Razn, Haru Tondadoz, Lipharoj Tondadoz
- Drinkumz
- Tabakbutiky: Cigaroj Cigarizoj
- Restoraciz
- Kafejo: Bierr, Kafü
- Papervendissn
- Ĉambroj
- Legomo & Fruktü Vendejü: Rapoj, Terpumoj
- Solej Fresaj Legomaj
- Vestajoj Malnovaj
Tiu fakto estis delonge uzita de esperantistoj kiel detalo de propagando por la Internacia Lingvo kaj pri la simpatio kiun ĝi vekas ĉe gravuloj kiaj Chaplin. Jam en 1949 la organizantoj de SAT Kongreso de Parizo invitis lin al la kongreso per letero sendita al lia adreso en Kalifornio.[1]
NotojRedakti
- ↑ "Se eventuale vi vojaĝus en Eŭropo je tia dato, kaj se vi komplezus ĉeesti almenaŭ parton de nia kongreso, la tuta kongresanaro estus tre dankema al vi. Se ne, ni tamen petas vian moralan helpon. Se vi akceptus per kelkaj vortoj aserti vian simpation al Esperanto kaj al nia kongreso, la nomo mondkonata de tiu kiu, en la filmo "La Diktatoro" uzis Esperanton, havigu al nia organizo grandiozan famon." Letero de 3-3-49 citita en Manuela Burghelea, L’espéranto, entre idéaux universels et pratiques culturelles locales. Les cas français, belge et brésilien. julio 2016, Master Erasmus [1] Alirita la 26an de januaro 2020.
Eksteraj ligilojRedakti
- esperantlingva artikolo de Jean Amouroux esperante
- La fina parolado (en YouTube) kun subtekstoj portugalaj kaj supertekstoj en Esperanto
- Stanislavo Belov (2019-05-12)La Granda Diktatoro (The Great Dictator) – amuza naivaĵo (esperante). Blogger. Arkivita el la originalo je 2019-05-14. Alirita 2019-05-14. (recenzo pri la filmo)
