Tri Noveloj

Tri Noveloj estas novelaro de Aleksandr Puŝkin, el la rusa esperantigita de Andreo Fiŝer. La 67-paĝa traduko aperis en 1923 ĉe Ferdinand Hirt & Sohn en Lepsiko. Ĝi konstituas volumon 10 en la serio "Internacia Mondliteraturo".

Tri Noveloj
Tri Noveloj
Aŭtoro	Aleksandr Puŝkin
Eldonjaro	1923
Urbo	Lepsiko
Eldoninto	Ferdinand Hirt & Sohn
Paĝoj	67

Recenzoj

	„ Agrabla vere romaneca karaktero de l' verkoj de l' unua duono de l' pasinta jarcento. ” — 1923, Georges Stroele, Esperanto, paĝo 183

	„ Puŝkin estas unu el la plej grandaj verkistoj de la nuntempa rusa literatura lingvo. La tradukinto prezentas tre elektitajn novelojn en majstra Esperanto-stilo. Unu el ili, La Neĝo-blovado, estis jam tradukita de Grabowski. La enhavo de ĉiu novelo estas interesa kaj vivoplena. ” — 1923, Historio de Esperanto I, paĝo 334

	„ Ni ne sentas necesecon konigi la tradukinton, nian malnovan talentplenan samideano, Dro Fiŝer, kies nomo plene sufiĉas por garanti la taŭgecon kaj bonstlon de tradukaĵo lia. La lego de la tiun novevoj: “Pikreĝino”, “Neĝblovado” kaj “La Pafo” estas vera ĝuo. ” — Belga Esperantisto n103-104 (sep-okt 1923)

Eksteraj ligiloj

• Plena teksto de la libro ĉe Project Gutenberg
• Enciklopedio de Esperanto/T en sia originala formo en la Interreto
• Enciklopedio de Esperanto en elŝutebla versio (PDF).
• Katalogo de Biblioteko Hippolyte Sebert
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience : entajpu la vortojn "tri noveloj".