Tudelilla

Tudelilla [tudeLIlja] estas vilaĝo kaj municipo de Rioĥo (norda Hispanio), nome en la nordorienta Komarko de Calahorra, ene de la komarkaro Malsupra Rioĥo, en la orienta triono de la regiono laŭ vertikala divido (orient-okcidente). La loknomo Tudelilla estas etimologie komprenebla kiel diminutivo de Tudela.

Tudelilla
municipality of La Rioja (en) vd
Flago	Blazono
Administrado
Poŝtkodo	26512
En TTT	Oficiala retejo [+]
Demografio
Loĝantaro	356  (2023) [+]
Loĝdenso	19 loĝ./km²
Geografio
Geografia situo	42° 18′ N, 2° 7′ U (mapo)42.299444444444-2.1161111111111 [+]
Alto	548 m [+]
Areo	19 km² (1 900 ha) [+]
Horzono	UTC+01:00 [+]
Tudelilla (Provinco Rioĥo) DEC Situo de Tudelilla
Tudelilla (Hispanio) DEC Situo de Tudelilla
Alia projekto
Vikimedia Komunejo Tudelilla [+]

La municipa teritorio de Tudelilla, en la nordoriento de la regiono.

Geografio

Mapo de la orografio de la Komarko de Calahorra. Norde la rivero Ebro kaj ĉefaj komunikvojoj.

Tudelilla estas sur la valo de la rivero Ebro, norde de la komarko, sur fruktodona agrikultura valareo, kio ebligis historie prosperan legoman produktadon. Tudelilla havas apartan komunikadon laŭ la regiona ŝoseo LR-381, kiu komunikas norde kun la nacia ŝoseo N-232 inter Ausejo nordokcidente kaj El Villar de Arnedo oriente kaj sude kun Arnedo.

Historio

Aperis restaĵoj de prahistorio kaj de romia epoko. Fondita en la Mezepoko fare de kolonoj.

Aktualo

La rura elmigrado okazis ĝenerale en multaj apudaj loĝlokoj laŭlonge de la 20-a jarcento, kaj same ĉe Tudelilla, kie oni malaltiĝis el 1 431 loĝantoj en 1940 ĝis nunaj 334.

La ekonomio estis bazata ĉefe sur la agrikulturo (vitejoj, migdalarboj, olivarboj kaj fungoj). Ĉio estas sen irigacio spite la proksimecon de la rivero Ebro. Krome estas rura turismo.

Vizitindaĵoj estas la aparta turo de la preĝejo, Jakoba Vojo, vitgardejoj ktp.

Vidu ankaŭ

• Municipoj de Rioĥo