Ebro
Ebro (latine Iberus, hispane Ebro, katalune Ebre) estas granda rivero de norda Hispanujo. Ĝi longas ĉirkaŭ 930 km, kaj ĝia baseno ampleksas ĉirkaŭ 85.000 km².
| Ebro | |
|---|---|
 | |
| almara rivero • rivero • gold river | |
| Bazaj informoj | |
| Longeco | 930 km |
| Akvokolekta areo | 80 093 km² |
| Averaĝa trafluo | 426 m³/s |
| Fluo | |
| Fonto | Sierra del Cordel |
| - Alteco super marnivelo | 1 980 m |
- Koordinatoj 
|
43° 2′ 15″ N, 4° 22′ 12″ U (mapo)43.0375-4.37 |
| Enfluejo | Mediteraneo |
| - Alteco | 0 m |
- Koordinatoj 
|
40° 43′ 43″ N, 0° 52′ 9″ U (mapo)40.728611111111-0.86916666666667 |
| Geografio | |
| Alfluantoj | Vidu liston |
 | |
Ebro parte trafluas la Kantabran Montaron kaj alfluas Mediteraneon proksime al Tortosa formante riveran delton. Tiu delto estas protektita Natura Parko, pro la riĉeco i.a. de birdoj. La rivero estas apenaŭ ŝipebla pro akumuliĝo de drivaĵo (aluvio) pro la digoj.
Ĝi estas la plej akvabunda rivero en la Ibera duoninsulo, kaj fakte donas ĝian nomon al tiu ĉi.
Gravaj urboj situantaj en ĝia proksimeco: Reinosa (Kantabrio), Miranda de Ebro (Kastilio kaj Leono), Logroño (Rioĥo), Tudela (Navaro), Zaragozo (Aragono), kaj Tortosa (Katalunio).
Ĉefaj alfluantoj:
- Alhama
- Iregua
- Najerilla
- Aragón (rivero)
- Gállego
- Segre
- Noguera Pallaresa
- Noguera Ribagorzana
- Cinca
- Oca
- Jalón
- Jiloca
- Guadalope
Ĉe la enfluejo de la rivero en la somero de 217 a.K. okazis la Batalo de la Ebro, dum la Dua Punika Milito, inter la kartaga kaj la romia mararmeo. La rivero estis la sceno ankaŭ de unu el la grandaj bataloj de la Hispana Enlanda Milito en malfrua julio 1938, kiam Respublikanaj trupoj provis halti la antaŭenmarŝon de la fortoj de Franco en vasta kontraŭatako. La rezultoj de la Batalo de la Ebro malfermis la vojon por ke la naciistoj transprenu Katalunion.
Bildoj
redakti-
Elfluejo de Ebro en Fontibre. -
Monumento en la parko de la elfluejo de Ebro. -
Rivero Ebro tra Reinosa. -
Akvorezervejo Embalse del Ebro ĉe Las Rozas.
