Universitato de Tokio
japana nacia universitato situanta en Tokio, Japanio
La Universitato de Tokio (東京大学, Tōkyō daigaku), ĝis 1947 post la fino de la Dua Mondmilito oficiale Imperia Universitato de Tokio, estas universitato en la kvartalo Bunkjo de Tokio, la ĉefurbo de Japanio. La universitato havas 10 fakultatojn kun sume proksimume 30 000 studentoj, el kiuj pli-malpli 2 100 estas ne-japanoj. La universitataj konstruaĵoj distribuiĝas je kvin kampusoj. Ĝi estas la unua de la japanaj "Naciaj Sep Universitatoj". La Universitato de Tokio estas vaste konsiderata kiel la plej prestiĝa universitato en Japanio.
.svg)
Interalie la jenaj esperantistoj estis docentoj de la universitato:
- NISIUMI Tarou (en Esperanto ankaŭ NIŜIUMI Taro), naskita en 1912; mortinta la 28-an de julio 1999 en Tokio), profesoro pri moderna historio en la universitato. Dum jardekoj li estis delegito de UEA pri sociaj sciencoj, muzeoj kaj teniso. De 1971 ĝis 1974 li estis estrarano de Japana Esperanto-Instituto.
- OKA Hidemiti, filo de OKA Asajiro, zoologo, lektoro de la scienca fakultato de la universitato. Naskiĝis la 2-an de oktobro 1902 en Tokio. En Esperanto interalie verkis la artikolojn „Pri la uzado de sufikso um“, La Revuo Orienta, volumo V, 1924 kaj „Mendelismo“ La Revuo Orienta, volumo VI, 1925.
- OGATA Tomosaburo, d-ro pri medicino kaj profesoro de fiziologio en la universitato. Naskiĝis la 31-an de januaro 1883 en Osako. Esperantisto de 1923. Interalie en 1925 publikigis du medicinajn raportojn pri rizmalsano originale en Esperanto.
aŭditorio Yasuda
