Vasquez Rocks

Vasquez Rocks Natural Area Park [Natura Parko de Areo de Rokoj Vasquez] estas natura parko situanta en la montaro Sierra Pelona en Distrikto Norda de Los-Anĝeleso, Kalifornio. Ĝi lokas ĉe la vilaĝo Agua Dulce inter la antaŭurboj Sankta Clarita kaj Palmdale. La areo ankaŭ estas videbla de la Antelope Valley Freeway [Aŭtovojo de Valo Antelope] (Kalifornia Ŝtata Itinero 14).

Vasquez Rocks

La rokaj formaĵoj estis formitaj de rapida erozio dum levado antaŭ ĉirkaŭ 25 milionoj da jaroj, kaj poste malkaŝitaj per orogena agado laŭ la San Andreas Fault.

La Tataviama tribo loĝis ĉi tie kiam alvenis la hispanoj. Kun la alveno de la hispanaj misioj, kelkaj el tiuj homoj estis devigitaj labori tie. Ili poste komencis paroli hispanan kaj inter-geedziĝante kun aliaj triboj. La lasta el la Tataviamoj mortis en 1916.[1]

En 1874, Tiburcio Vásquez, unu el la plej famaj banditoj en Kalifornio, uzis ĉi tiujn ŝtonojn por eskapi policon. Lia nomo poste estis asociita kun ĉi tiu geologia trajto. En 1935 Stanley Bergerman estis dungita de Universal Pictures kiel produktoro de la filmo Werewolf of London. Bergerman sugestis Vasquez-Rokojn kiel lokon de filmado por portreti Tibeton. Ekde tiam estis ofta uzado de Vasquez Rocks en filmoj, televidserioj kaj reklamoj. Inter multaj aliaj, tie estis filmitaj The Ten Commandments, The Adventures of Rin Tin Tin, The Big Valley, Bonanza, Star Trek, Bill & Ted's Bogus Journey, Battlestar Galactica kaj Little Miss Sunshine.

La teraj kaj rokaj formacioj estis akiritaj iom post iom de Los Angeles County [Kantono Los-Anĝeleso], komencante kun donaco de 40 akreoj en 1971 kaj iĝis parko en 1972.

ReferencojRedakti

  1. "The Tataviam at Vasquez Rocks," handout of County of Los Angeles Department of Parks & Recreation, Vasquez Rocks Natural Area.