Fieschertal
publikigita versio estis patrolita je 18 maj. 2023. Estas kontrolendaj ŝanĝoj de ŝablonoj/dosieroj.
Ŝanĝoj al ŝablonoj aŭ dosieroj en ĉi tiu versio estas kontrolendaj. La stabila versio estis patrolita je 18 maj. 2023.
Fieschertal estas komunumo en la distrikto Goms en Kantono Valezo, Svislando. Ĝi havis 318 loĝantojn je la 31-a de decembro 2012.
| Fieschertal | |
|---|---|
 | |
| Blazono de Fieschertal | |
 | |
| Fieschertal | |
| komunumo en Svislando | |
| Kantono | Valezo |
| Distrikto | Goms |
| Koordinatoj | 46° 25′ 37″ N 8° 8′ 20″ O / 46.42694 °N, 8.13889 °O (mapo)Koordinatoj: 46° 25′ 37″ N 8° 8′ 20″ O / 46.42694 °N, 8.13889 °O (mapo) |
| Areo | 172,96 km² |
| Alteco | 1108 m super marnivelo |
| Poŝtkodo | 3984 |
| Komunumkodo | 6058 |
 | |
| Situa mapo de Fieschertal | |
Geografio redakti
La komunumo Fieschertal Fieschertal situas en Supra Valezo kaj etendiĝas de la valfundo ĝis al la kulminoj de la Bernaj Alpoj. Grandan parton de la komunuma teritorio kovras Aleĉ-Glaĉero kaj Fiescher-Glaĉero. La plej alta punkto de la komunumo estas kun alteco de 4274 m s.m. la kulmino de Finsteraarhorn. La komunumo konsistas el la vilaĝo Fieschertal kaj la vilaĝetoj Wichul, Zer Flie kaj Wirbul, kaj diversaj alpopaŝtejoj.[1]
La teritorio de la komunumo etendiĝas sur areo de 172,96 km², de kiuj 2,0% estas kovritaj de arbaro, 2,7% servas por agrikulturo kaj 0,1% por setlado. Pli ol 95% de la teritorio estas kovritaj de altmontaraj rokoj kaj glaĉeroj. [2]
Najbaraj komunumoj redakti
La komunumo Fieschertal limas en nordo al Grindelwald (BE), en nordnordoriento al Guttannen (BE), en nordoriento al Münster-Geschinen, en orientnordoriento al Reckingen-Gluringen, en oriento al Grafschaft, en nordoriento al Bellwald, en sudo al Fiesch, en okcidento al Betten, en okcidentnordokcidento al Naters, en nordokcidento al Blatten, kaj en nordnordokcidento al Lauterbrunnen (BE).
Trafiko redakti
Fieschertal situas flanke de la gravaj trafikvojoj. Al Fieschertal kondukas flanka vojo de Fiesch. Pere de poŝtaŭtolinio al la stacidomo de Fiesch la komunumo estas konektita al la publika transportreto. Dum vintro en Fieschertal funkcias la skilifto Blätz, kiu apartenas al la skiregiono de Fiesch-Eggishorn.
Monda naturheredaĵo redakti
Pli ol 80% de la komunuma teritorio apartenas al la regiono Jungfrau-Aleĉ-Bieĉhorno (germane: Jungrau-Aletsch-Bietschhorn), kiu estis la 13-a de decembro 2001 akceptita kiel unua alpa areo kiel Monda Naturheredaĵo de UNESKO.
Historio redakti
La unua dokumenta mencio de Fieschertal datiĝas el la jaro 1351 kiel vallis de Vies. Tiam Fieschertal estis unuan fojon menciita kiel komunumo. En la 13-a kaj 14-a jarcento la senjorecon pri la valo posedis la familio Blandrate. En la jaro 1404 tiuj rajtoj apartenis al la kavaliro Thomas de Platea. Ek de la 15-a jarcento ekzistis en Fieschertal episkopa vilaĝestroofico kun malalta jurisdikcio.[3]
Notoj kaj referencoj redakti
- ↑ Fonto: [BILD=Fieschertal_01.jpg| BESCHREIBUNG=Fieschertal Reta mapo 1:20000 de Swisstopo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Philipp Kalbermatter: Fieschertal ' en Historia Leksikono de Svislando (2005-11-29)
Vidu ankaŭ redakti
Eksteraj ligiloj redakti
- Vidu ankaŭ en la Vikimedia Komunejo la kategorion Fieschertal – (Kolekto de bildoj kaj plurmediaj dosieroj)
