William Sol Benson

William Sol BENSON (naskita en 24-an de aŭgusto 1877 en Kievo, en tiama Rusio; mortis la 20-an de oktobro 1945 en la Kantono Essex, Nov-Ĵerzejo, Usono) estis usona esperantisto.

William Sol Benson
Persona informo
Naskiĝo	24-an de aŭgusto 1877 (1877-08-24) en Kievo
Morto	20-an de oktobro 1945 (1945-10-20) (68-jaraĝa) en Irvington, Kantono Essex,  Usono
Mortokialo	Korinfarkto
Tombo	Kenilworth (en)
Lingvoj	Esperanto • jido • rusa • angla
Ŝtataneco	Usono
Subskribo
Okupo
Okupo	osteopato (1918–) esperantisto
Verkoj	Universala Esperanto-Metodo

Portreto de Benson el lia Universala Esperanto-Metodo (1932)

Biografio

Benson interesiĝis pri lingvoj kiel infano en Rusio. De tie li migris al Usono kiel 12-jarulo en 1889.

Li poste edukiĝis al osteopato kaj komencis labori tiufake en 1918 kaj iam poste laboris kiel kuracisto en Newark, Nov-Ĵerzejo.

Benson estis membro de Amerika Esperanto-Akademio en la 1940-aj jaroj.

Verkoj

Doktoro Benson estis aŭtoro de originala bildmetodo por la instruado de Esperanto kaj posedanto de Benson School of Esperanto. Li verkis 10 kajerojn de Universala Esperantistigilo, 1925-1927 kaj la grandiozan Bensona Universala Esperanto-Metodo, 1932, eldonitan en tiu eldonejo.

Listo de verkoj

• Benson School of Esperanto (22 p.)
• Dr. Benson's personal mail course practical Esperanto
• Universala Esperantistigilo (1925)
• Universala Esperanto-metodo (1932) (nun ekskopirajta kaj havebla rete kaj skanite kaj en teksta TTT-versio)
• Practical Esperanto by Dr. Benson (1925-1932)
• Universala propagandilo: specimena leciono (1928, 22 p., ilustr.)

Eksteraj ligiloj

• Bensona Universala Esperanto-Metodo (1932) - ligiloj al retaj versioj de ĝi ĉe la koncerna Vikipediartikolo La kurso de doktoro Benson kvankam malnova estas laŭdire tre bona.