Aŭstra Arkeologia Instituto

Aŭstra Arkeologia Instituto (germane: Österreichisches Archäologisches Institut, ĉeĥe Rakouský archeologický ústav; mallongigo ÖAI aŭ OeAI) estas scienca esplorinstituto de Aŭstra Akademio de Sciencoj (ÖAW) specialiĝinte pri arkeologiaj esploradoj pri mediteraneaj kulturoj kaj gentoj de sur la iama teritorio de la Habsburga regno.

Historio

Oni fondis ÖAI en la jaro 1898-a; ĝia unua direktoro estis profesoro Otto Benndorf. Plej grava fokuso en la komenco estis la jam en 1895 de Benndorf ekigitaj elfosadoj en Efezo. Krome ekzistis diversaj filioj en Konstantinopolo (mallonge), Izmiro kaj Ateno, kie aktivis i.a. Josef Keil kaj Adolf Wilhelm. Elfosadoj okazis diversloke sur Peloponezo, sed ankaŭ je Petronell-Carnuntum: la laboroj ĉe tiuj du lokoj ĉiam centris (ĝis hodiaŭ).

Post la Unua mondmilito la anoj de ÖAI devis redukti siajn planojn; la izmira filio estis neniigita kaj la instituto mem iĝis en la 1935-a jaro parto de fakultato pri filozofio de la universitato de Vieno. Post Anschluss la tuto iĝis filio de la Germana Arkeologia Instituto (DAI).

Eĉ post 1945 oni restis sub la kupolo universitata. La agadoj ree plimultiĝis: fosadoj en la urbo sur monto Magdalensberg ekde 1948; restarto de la engaĝiĝo efeza (1955); remalfermo de la atena filio en 1964. En la 1973-a jaro eĉ fondiĝis tute nova filio en Kairo. En 1981 ÖAI renaskiĝis kiel memstara instituto. Kiel eksteruniversitata federaciŝtata organizo ÖAI kompareblis potence al DAI; tian statuton ĝi perdis ekde januaro 2016 kiam ĝi iĝis parto de ÖAW.^[1]^[2]

En januaro 2021 la institutoj "Institut für Kulturgeschichte der Antike" (IKAnt) kaj "Institut für Orientalische und Europäische Archäologie" (OREA) iĝis partoj de ÖAI^[3].

Lokoj de aktiveco

Ene de Aŭstrujo la instituto aktivas/aktivis i.a. je: Petronell-Carnuntum, Engelhartstetten, Frankenau-Unterpullendorf, Lutzmannsburg, Sankt Marein im Mürztal (Frauenberg), Mautern an der Donau, Leibnitz (Flavia Solva), Zwentendorf an der Donau. Ekstere de Aŭstrujo je: Zohor (Slovakujo); Nemescsó (Hungarujo); Izola, Ločica (Slovenujo); Egira, Gremoulias, Lousoi (Grekujo); Efezo, Limyra (Turkujo); Tell el-Dab’a/Auaris/Pi-Ramesse (Egipto).

Estroj

1898–1907 Otto Benndorf
1907–1909 Robert von Schneider
1910–1933 Emil Reisch
1935–1949 Camillo Praschniker
1935–1945 Rudolf Egger
1949–1956 Josef Keil
1951–1953 Otto Walter
1953–1969 Fritz Eichler
1969–1985 Hermann Vetters
1985–1986 Herma Stiglitz (afergvidanta vicestrino)
1986–1994 Gerhard Langmann
1994 Dieter Knibbe (provizore)
1994–2006 Friedrich Krinzinger
2007–2009 Johannes Koder (laŭkomisie)
2009–2024 Sabine Ladstätter

Publikitigaj/publikigataj aferoj

Gazetoj

Ägypten und Levante
Archaeologia Austriaca
Carnuntum Jahrbuch
Jahreshefte des Österreichischen Archäologischen Institutes in Wien
Wiener Studien

Serioj

Archäologische Forschungen
Archaeology of Egypt, Sudan and the Levant (AESL)
ARETE. Publikationen des Österreichischen Archäologischen Instituts in Athen
Corpus Signorum Imperii Romani (CSIR)
Der römische Limes in Österreich
Ergänzungshefte zu den Jahresheften des Österreichischen Archäologischen Institutes in Wien (ErgÖJh)
Forschungen in Ephesos (FiE)
Forschungen in Limyra (FiLim)
Fundmünzen der römischen Zeit in Österreich
Fundmünzen aus Usbekistan
Moneta Imperii Romani
Mykenische Studien
Oriental and European Archaeology (OREA)
Perspectives in Balkan Archaeology (PeBA)
Reallexikon zur byzantinischen Kunst
Sonderschriften des Österreichischen Archäologischen Instituts (SoSchrÖAI)
Supplementum Epigraphicum Graecum (SEG)
Sylloge Nummorum Parthicorum
Sylloge Nummorum Sasanidarum
Tituli Asiae Minoris (TAM)
Tituli Asiae Minoris, Ergänzungsbände (ETAM)
Untersuchungen der Zweigstelle Kairo des Österreichischen Archäologischen Institutes (UZK)
Veröffentlichungen zur Numismatik