Flavbeka montokorvo

La Alpa montokorvo (Pyrrhocorax graculus), aŭ Flavbeka montokorvo estas Eŭrazia membro de la familio de birdoj nome Korvedoj. Ĝi estas unu el la du membroj de la genro Pyrrhocorax, dum la alia estas la Ruĝbeka montokorvo.

Kiel legi la taksonomion Flavbeka montokorvo
Flavbeka montokorvo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Korvedoj Corvidae Genro: Pyrrhocorax Specio: P. graculus
Dunomo
Pyrrhocorax graculus (Linnaeus, 1766)
Konserva statuso
Konserva statuso: Malplej zorgiga
Natura arealo  Ĉiujare prezencoj Natura arealo  Ĉiujare prezencoj
Aliaj Vikimediaj projektoj

Aspekto

Ĝi estas tre rilata al la Ruĝbeka montokorvo (Pyrrhocorax pyrrhocorax) kaj kunhavas saman brilnigran plumaron kaj ruĝajn gambojn. Tamen la beko de la Flavbeka montokorvo estas longa kaj kurba sed ne tiom kiom ĉe la Ruĝbeka montokorvo kaj ĉefe tre flava, kio nomigas la specion kaj diferencigas ĝin el la alia samgenrano. Ĝi estas iom pli malgranda, tio estas 36-39 cm longa kun enverguro de 65-74 cm, sed havas relative pli longan voston kaj mallongajn flugilojn. Ili havas similan lertan kaj certan flugilmanieron.

Disvastiĝo

Ili reproduktiĝas en la plej altaj montoj de suda Eŭropo, Alpoj, tra centra Azio kaj Kaŝmiro. Ĝi estas nemigranta en sia teritorio. Prahistoria subspecio kiu loĝis en Eŭropo dum la lasta glaciepoko estis priskribita kiel Pyrrhocorax graculus vetus.

Ĝi malaperis en lastaj jarcentoj el kelkaj areoj de la periferio de la teritorio, ekzemple de la polaj Tatroj (Tomek & Bocheński 2005). Ĉar ĝi loĝas ĉe homoj kaj uzas modifitajn habitatojn kiel areoj ĉe skiejoj, loka malpliiĝo estas kaŭzata de perdo de habitato pro tutmonda varmiĝado kiu ŝanĝas la kondiĉojn de la Alpa klimato pli ol la rekta detruo de habitato.

Kutimaro

ovoj de Pyrrhocorax graculus graculus - Muzeo de Tuluzo

Tiu birdo estai ofte gregema kaj sentima. Ties laŭta alvoko "zrrrrr" estas tre diferenca el tiu de la Ruĝbeka montokorvo (Laiolo et al. 2004).

La manĝo konsistas el insektoj somere kaj berojn aŭ restaĵojn, ĉefe ĉe skiejoj vintre. La loko por la nesto estas klifokornico.

Referencoj

• BirdLife International (2004). Pyrrhocorax graculus. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Malplej zorgiga

• Laiolo, Paola; Rolando, Antonio; Delestrade, Anne & De Sanctis, Augusto (2004): Vocalizations and morphology: interpreting the divergence among populations of Chough Pyrrhocorax pyrrhocorax and Alpine Chough P. graculus. Bird Study 51(3): 248–255. HTML resumo Arkivigite je 2008-11-21 per la retarkivo Wayback Machine

• Tomek, Teresa & Bocheński, Zygmunt (2005): Weichselian and Holocene bird remains from Komarowa Cave, Central Poland. Acta zoologica cracoviensia 48A(1-2): 43-65. PDF plena teksto

Eksteraj ligiloj

• Filmetoj de Flavbeka montokorvo ĉe Interreta Birdokolekto