Alternativa medicino


Alternativa medicino, estas nomo por terapioj kaj kuracmetodoj, kiuj ne estas konsiderataj efikaj laŭ la medicina scienco ("alopatio"), ĉar mankus sciencaj atestoj pri ilia efektiveco. Sekve, tiu inkluzivas de tradiciaj kuracmetodoj, ĝis novaj neortodoksaj medicinaj metodoj, pro tio, ne estas difina lineo por iu terapio esti rigardata kiel alternativa aŭ ne. Ekzemple, en Brazilo, homeopatio estas laŭleĝe ortodoksa terapio, lerninda en medicinaj fakultatoj, same kiel akupunkturo en Ĉinio, sed en multaj aliaj landoj, homeopatio kaj akupunturoj estas rigardataj kiel parto de alternativa medicino. Tiu fakto devenas de historiaj kialoj, dum preskaŭ 300 jaroj, ekzemple, portugala registaro ne permesis al koloniaj brazilanoj studi tradician medicinon, por ne konkuri al portugalaj kuracistoj, sekve, brazilanoj devis lerni homeopation en Francio en 18-a jarcento, kaj, daŭre dum 19-a jarcento, nur riĉaj homoj povis lerni medicinon en Brazilo, la malriĉuloj daŭre lernis homeopation, do ĝi iĝis la medicino de malriĉuloj.

Akupunkturo, unu el la plej konataj specoj de alternativa medicino
Bildo el la libro "Innovations in biological cancer therapy" (novigoj en biologia kancero-terpaio) de Peter Wolf.
Bildo el la libro "Innovations in biological cancer therapy" (novigoj en biologia kancero-terpaio) de Peter Wolf.

Multaj de tiuj kuracmetodoj baziĝus sur neraciaj penssistemoj kaj magia mondpercepto. La metodoj estas aplikataj kontraŭ ĉiuj eblaj malsanoj. Religiaj kaj spiritaj aspektoj ludas gravan rolon en multaj el ili, kaj en la kuracado kaj en la prijuĝo de la rezulto.

En plej parto de tiuj terapioj, natureco, tuteco kaj ekvilibro estas alte taksataj. Ĝenerale alternativaj kuracistoj tendencus malmulte interesiĝi pri sciencaj esploroj, kvankam ili ripetadas senĉese sciencajn rezultojn kiuj utilas kiel 'pruvilojn' por iliaj terapioj. Ekzistas ne malmulte da fantaziaj kaj dubemaj terapioj. Tiel ekzemple la antropozofia medicino kiu konsilas masaĝi kun timianoleo pacienton kun grava kronika bronkito kaj evitas antibakterian terapion aŭ la ozonterapio, kiu infuzas puran oksigenon estus danĝeraj praktikoj. Ankaŭ plantaj kuraciloj ne aŭtomate estas pli sekuraj, ĉar tiuj ĉi kuraciloj kutime eskapas bonan kontrolon, ĉar neregistraj kaj ne sub kontrolo de la punleĝaro.

En la plimulto de la Eŭropa Unio, escepte Francio, oni rajtas laŭleĝe praktiki la alternativan medicinon. Pozitiva aspekto estas ĝenerale rigardata kiel 'placebo'-efekto de tradiciaj kuracistoj. Pro iuj kialoj malbone kompreneblaj streso domaĝus la imunsistemon kaj bona etoso kreus la malan efikon. Alternativaj kuracmetodoj precipe kiam kombinataj kun longaj interparoloj aŭ altuŝoj povas pozitive influi tiun etoson kaj efiki pozitive sur la imunsistemon. Aliflanke nemalmultaj alternativaj terapioj povas kaŭzi malbonan psikan staton pro troa timigo kaŭze de konsiloj rilate al ies sanstato.

Vidu ankaŭ redakti