Antal Simonyi
Antal Simonyi [ŝimonji], laŭ hungarlingve kutima nomordo Simonyi Antal estis hungara pentristo, fotisto.
| Antal Simonyi | |
|---|---|
 Antal Simonyi | |
| Persona informo | |
| Naskonomo | Simonyi Antal |
| Naskiĝo | 3-an de junio 1821 en Kecskemét |
| Morto | 3-an de januaro 1892 (70-jaraĝa) en Budapeŝto |
| Tombo | Malnova tombejo de Budapeŝto |
| Ŝtataneco | Hungario |
| Alma mater | Akademio de Belartoj de Vieno |
| Familio | |
| Patro | János Simonyi |
| Okupo | |
| Okupo | fotisto • pentristo |
Antal Simonyi[1] naskiĝis la 3-an de junio 1821 en Kecskemét, li mortis la 3-an de januaro 1892 en Budapeŝto.
Biografio redakti
Antal Simonyi frekventis mezlernejon en sia naskiĝurbo, poste li akiris inĝenieran diplomon en Institutum Geometricum en 1841. Dum la studentaj jaroj li lernis ankaŭ lingvojn, eĉ iomete pentradon. Li plulernis en Akademio de Belartoj de Vieno (1841-1843), en akademio en Venecio (1843), poste li studvojaĝis al Florenco, Romo, fine al Parizo (1846-1847). En Parizo li ne nur pentradis, sed ankaŭ li lernis la fotadon. Hejmenveninta en 1847 li establis fotatelieron en Pest (urbo). Li ne estis partoprenanto de la Hungara revolucio de 1848, tamen en 1851 li estis kondamnita je prizono por jaro pro utopiaj socialismaj ideoj. En la prizono li pentradis la arestitojn. En 1855 li vojaĝis denove al Parizo, kie li ricevis oran medalon en la mondekspozicio pro nova tekniko pri momentofotado. Li estis sukcesa fotisto, sed en 1883 la tutlanda krizo atingis lin kaj li bankrotiĝis. Baldaŭ li estis simpla oficisto.
Elektitaj pentraĵoj redakti
- Virina portreto, 1845 (vidu la nigrablankan foton!)
- Memportretoj, 1847, 1852
- Pál Szemere, 1855
- Kaptitaj hungaraj soldatoj en 1849
Elektitaj fotoj redakti
- membroj de la hungara parlamento en 1861 (plena albumo)
- fotoj pri János Arany, Imre Madách
