Ariège
Ariège (franca elparolo: [aʁjɛʒ], okcitane Arièja) estas unu el la departementoj de la franca regiono Okcitanio. Ĝi etendiĝas sur 4 890 km2 kaj estas maldense loĝata (153 954 loĝantoj en 2020) pro tio, ke ĝi situas grandparte en alta montaro. La plej altaj pintoj de la Pireneoj formas la naturan landlimon kun Hispanio. Ĝi originas sian nomon de la eponima rivero Ariège, kiu trafluas ĝin.
| Ariège | |
|---|---|
| |
| |
| |
| departemento de Francio | |
| Administrado | |
| Lando |  Francio
|
| Regiono | Okcitanio |
| Numero | 09 |
| Prefektejo | Foix |
| Subprefektejoj | Pamiers Saint-Girons |
| Prezidanto de la departementa konsilio |
Christine Téqui (ekde 2015, reelektita en 2021) |
| Prefekto | Sylvie Feucher (ekde 2020) |
| Statistikaĵoj | |
| Loĝantaro | 155 339 (2022) |
| Areo | 4 890 km² |
| Loĝdenso | 32 /km² |
| Subdividoj | |
| Arondismentoj | 3 |
| Kantonoj | 13 |
| Komunumaroj | 8 |
| Komunumoj | 326 |
La plej grava ekonomia sektoro restas agrikulturo: tritiko kaj maizo en la valoj, bredado en la montaro. Arbaro okupas grandan parton de la teritorio. Estas malmulte da industrioj, sed notindaj estas la hidroelektra industrio kaj siderurgio.
La ĉefurbo de Ariège estas Foix, [fŭa] (okcitanlingve Fois, [fuiŝ]), 10 000 loĝantoj, kiu havas belegan mezepokan kastelon, malnovan posedaĵon de la potencaj grafoj de Foix. La departemento plie enhavas 332 komunumojn.
Ariège estas ankaŭ grava turisma departemento, pro la montaro : skiado vintre, pied- aŭ ĉevalekskursoj somere, multaj prahistoriaj grotoj, mezepokaj fortikaĵoj kaj vilaĝoj, termofontoj.
Arondismentoj
redaktiLa departemento dividiĝas al tri arondismentoj:
Vidu ankaŭ
redaktiEksteraj ligiloj
redakti- Departementa konsilio de Ariège Arkivigite je 2008-07-17 per la retarkivo Wayback Machine
- Prefektejo de Ariège