Delley-Portalban
Delley-Portalban estas komunumo en la distrikto Brojo en Kantono Friburgo, Svislando. Ĝi havis 919 loĝantojn je la 31-a de decembro 2011.
| Delley-Portalban | |
|---|---|
 | |
| Blazono de Delley-Portalban | |
 | |
| Preĝejo de Delley-Portalban | |
| komunumo en Svislando | |
| Kantono | Friburgo |
| Distrikto | Brojo |
| Koordinatoj | 46° 54′ 48″ N 6° 58′ 4″ O / 46.91333 °N, 6.96778 °O (mapo)Koordinatoj: 46° 54′ 48″ N 6° 58′ 4″ O / 46.91333 °N, 6.96778 °O (mapo) |
|
| |
| Nombro de loĝantoj | 919 |
| Areo | 7,22 km² |
| Alteco | 497 m super marnivelo |
| Poŝtkodo | 1567 |
| Komunumkodo | 2051 |
 | |
| Mapo de Delley-Portalban | |
Geografio
redaktiDelley-Portalban situas ĉe la bordo de la Lago de Neŭŝatelo, proksimume 10 kilometrojn norde de Payerne kaj samdistance nordoriente de Estavayer-le-Lac. La komunumo konsistas el la vilaĝoj Delley kaj Portalban, kies malnova germanlingva nomo estis Portelbank kaj al kiu apartenas la du setlejoj Portalban-Dessous kaj Portalban-Dessus.[1]
La teritorio de la komunumo etendiĝas sur areo de 7,26 km², de kiuj 13,5% estas kovritaj de arbaro, 64,0% servas por agrikulturo kaj 12,0% por setlado. [2]
Najbaraj komunumoj
redaktiLa komunumo Delley-Portalban limas en nordo al la Lago de Neŭŝatelo, en nordoriento al Chabrey (VD), en oriento al Villars-le-Grand, en sudo al Saint-Aubin, en sudokcidento al Vallon, kaj en okcidento al Gletterens.
Trafiko
redaktiDelley-Portalban situas flanke de la gravaj trafikvojoj, atingebla pere de flankaj vojoj de Payerne kaj de Estavayer-le-Lac. Laŭlonge de la orienta komunumlimo kondukas la kantona ĉefvojo n-ro 153 de Payerne al Gampelen. La plej proksima alveturejo al la svisa aŭtovojo A1 situas proksimume 10 kilometrojn sudokcidente de la komunumo apud Estavayer-le-Lac. Pere de buslinio de la entrepreno Transporto Publika Friburga al Domdidier kaj la liniŝipoj sur la Lago de Neŭŝatelo la komunumo estas konektita al la publika transportreto.
Historio
redaktiLa hodiaŭa komunumo Delley-Portalban estiĝis la 1-an de januaro 2005 per kunigo de la ĝis tiam aŭtonomaj komunumoj Delley kaj Portalban. La unua dokumenta mencio de Portalban datiĝas el la jaro 1342 kiel Deler.[3] Portalban jam estis menciita en la jaro 1166 kiel Portubanni.[4] Kiel diversaj trovoj pruvas, laŭlonge de la lagobordo en Portalban jam dum neolitiko ekzistis homaj setlejoj. Dum mezepoko la du vilaĝoj formis parton de la Senjorujo Delley, kiu post la akiro fare de la urba ŝtato Friburgo en la jaro 1536 estis atribuita al la Voktejo Estavajyer. Post la Helveta Revolucio de 1798 ĝis la fino de la Helveta Respubliko de 1803 Portalban apartenis al la distrikto Avenches, dum Delley formis parton de la distrikto Estavayer. Tiam de 1804 ĝis 1830 la du vilaĝoj apartenis al la distrikto Montagny kaj de 1831 ĝis 1848 al la distrikto Dompierre. Surbaze de la konstitucio de 1848 Delley kaj Portalban fariĝis parto de la nova distrikto Brojo.
Notoj kaj referencoj
redakti- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Marianne Rolle: Delley en Historia Leksikono de Svislando (2005-01-26)
- ↑ Marianne Rolle: Portalban en Historia Leksikono de Svislando (2010-02-22)
Eksteraj ligiloj
redakti- Vidu ankaŭ en la Vikimedia Komunejo la kategorion Delley-Portalban – (Kolekto de bildoj kaj plurmediaj dosieroj)